![“Миллион” кузда яна 10 кунлик концерт беради “Миллион” кузда яна 10 кунлик концерт беради](/uploads/images/news/5b841331da934.jpg)
“Миллион” жамоаси навбатдаги концерти кунларини эълон қилди.
Орадан бир ҳафта ўтар-ўтмас жамоа навбатдаги концерти кунларини эълон қилди. Бугун тарқатилган хабарларга қараганда, жамоа октябрь ойида "Халқлар дўстлиги" санъат саройида 10 кунлик концерт дастурини тақдим этади. Концерт 22-31 октябрь кунларига мўлжалланган.
Хабарингиз бор, жамоа аъзолари Отабек Мирзахолов, Умид Умаров, Шаҳло Зоирова ҳамда Аҳмад Темуров йил бошида "Миллион"ни тарк этди ва сабаблар ошкор этилмади. Тўртовлон янги жамоа тузиб, авваллига унга "Миллий арт" номини бердилар. "Ўзбекконцерт" уларни бу номга лойиқ кўрмади ва бошқа ном олиш талаби билан чиқди. Жамоа эса ўзига "Браво" номини танлаб, айни дамда концертга тайёргарлик кўрмоқда.
"Браво"нинг илк концерти 11-16 сентябрь кунлари "Халқлар дўстлиги" санъат саройида бўлиб ўтади. Кўрамиз, бир ойлик вақт оралиғидаги рақобатда кимнинг қўли баланд келаркин.