Ўзбекистон халқи охирги дақиқаларгача умидини сўндирмаган эди. Одамлар Ислом Каримовнинг оёққа туриши учун дуода бўлдилар. Аммо...
Бугун Ўзбекистон Республикаси Олий Мажлиси ва Вазирлар Маҳкамаси томонидан ўша машъум хабарнинг берилганига 1 йил тўлди. Ўзбекистон Республикасининг Биринчи Президенти, Мустақил Ўзбекистон давлати асосчиси, буюк давлат ва сиёсат арбоби Ислом Абдуғаниевич Каримов бундан роппа-роса бир йил аввал оғир хасталик сабаб бу ёруғ оламни тарк этган эди.
Ўзбекистон Республикаси Президентининг тоби қочгани ҳақидаги расмий ахборот 28 август куни “Ўзбекистон” телеканали орқали эфирга узатилганидан сўнг халқнинг ҳаловати йўқолди, мустақиллик байрами арафасида юракларда қувонч ўрнини хавотир эгаллади. Юртнинг бугуни учун шукрона келтирган ҳар киши дуога қўл очди, Ислом Каримовга соғлик, узоқ умр тилади.
Халқ охирги дақиқаларгача умид қилди. Тушкунликка тушсада, буни бегонага билдирмади, ўзини йўқотиб қўймади, Ислом Каримов айтганидек, бошини хам қилмади...
2 сентябрь куни тонггида Ислом Каримовнинг аҳволи оғирлашгани эълон қилинди. Шу куни соат 22:00 да тарқатилган хабар эса бутун Ўзбекистонни қайғуга солди...
Одамлар мижжа қоқмади... Биринчи Президентини сўнгги манзилга кузатишга чоғланди. Ислом Абдуғаниевич Каримов тобути жойлаштирилган кортеж шифохонадан Тошкент халқаро аэропорти томон йўл олди. Кўзида ёш, қўлида гул, қалбида эса чуқур қайғу билан Юртбошини сўнгги манзилга кузатишга чиққан Ўзбекистон халқи кўчаларга сиғмади...
Кортеж одамлар орасидан вазминлик билан ҳаракатланиб борарди. Тошкент аҳолиси Президент Ислом Каримовни ўзи туғилиб ўсган Самарқанд шаҳрига дилда изтироб билан кузатиб қўйди.
3 сентябрь куни мусулмон урф-одатларига кўра дафн маросими ташкил этилди. Регистон майдонида жаноза ўқилди, марҳум Ҳазрати Хизр мақбарасига дафн этилди.
Ислом Каримовнинг дафн маросими ва ундан кейин Самарқанддаги форумлар саройида ўтказилган тадбирда кўплаб давлат ва ҳукумат раҳбарлари, дипломатик корпус вакиллари иштирок этдилар.
Ўзбекистон Республикасининг Биринчи Президенти Ислом Каримов вафоти муносабати билан Ўзбекистонда уч кунлик мотам эълон қилинди. Ўзбекистон байроғига қора тасма илинди.
Ўзбекистон Республикаси Президентининг тоби қочгани ҳақидаги расмий ахборот 28 август куни “Ўзбекистон” телеканали орқали эфирга узатилганидан сўнг халқнинг ҳаловати йўқолди, мустақиллик байрами арафасида юракларда қувонч ўрнини хавотир эгаллади. Юртнинг бугуни учун шукрона келтирган ҳар киши дуога қўл очди, Ислом Каримовга соғлик, узоқ умр тилади.
Халқ охирги дақиқаларгача умид қилди. Тушкунликка тушсада, буни бегонага билдирмади, ўзини йўқотиб қўймади, Ислом Каримов айтганидек, бошини хам қилмади...
2 сентябрь куни тонггида Ислом Каримовнинг аҳволи оғирлашгани эълон қилинди. Шу куни соат 22:00 да тарқатилган хабар эса бутун Ўзбекистонни қайғуга солди...
Одамлар мижжа қоқмади... Биринчи Президентини сўнгги манзилга кузатишга чоғланди. Ислом Абдуғаниевич Каримов тобути жойлаштирилган кортеж шифохонадан Тошкент халқаро аэропорти томон йўл олди. Кўзида ёш, қўлида гул, қалбида эса чуқур қайғу билан Юртбошини сўнгги манзилга кузатишга чиққан Ўзбекистон халқи кўчаларга сиғмади...
Кортеж одамлар орасидан вазминлик билан ҳаракатланиб борарди. Тошкент аҳолиси Президент Ислом Каримовни ўзи туғилиб ўсган Самарқанд шаҳрига дилда изтироб билан кузатиб қўйди.
3 сентябрь куни мусулмон урф-одатларига кўра дафн маросими ташкил этилди. Регистон майдонида жаноза ўқилди, марҳум Ҳазрати Хизр мақбарасига дафн этилди.
Ислом Каримовнинг дафн маросими ва ундан кейин Самарқанддаги форумлар саройида ўтказилган тадбирда кўплаб давлат ва ҳукумат раҳбарлари, дипломатик корпус вакиллари иштирок этдилар.
Ўзбекистон Республикасининг Биринчи Президенти Ислом Каримов вафоти муносабати билан Ўзбекистонда уч кунлик мотам эълон қилинди. Ўзбекистон байроғига қора тасма илинди.
Қамариддин Шайхов
