...
МЕНЮ
ONLINE TV

Uzmobile абонентлари ҳукумат сайтларидан бепул фойдаланишлари мумкин


17:11, 18.03.2017 Жамият
 2 785

Жорий йилда интернетга уланиш тизими сифат ва тезкорлик бўйича янада яхшиланади.

Uzmobile Миллий мобиль оператори “Халқ билан мулоқот ва инсон манфаатлари йили” муносабати билан ўз абонентларига интернет орқали Ўзбекистон Республикаси Президентининг Виртуал қабулхонаси – pm.gov.uz, Ягона интерактив давлат хизматлари портали – my.gov.uz, Ўзбекистон Республикасининг Ҳукумат портали – gov.uz, шунингдек, барча давлат органларининг расмий сайтларидан бепул фойдаланиш имкониятини тақдим этди. Бу ҳақда Uzmobile Миллий мобил алоқа операторининг Матбуот хизмати хабар тарқатди.
 
Бу лойиҳа “Электрон ҳукумат” тизимини ривожлантириш маркази билан бирга йўлга қўйилди. Айтиш керакки, 2017-2021 йилларда Ўзбекистон Республикасини ривожлантиришнинг 5 та устувор йўналишлари бўйича Ҳаракатлар стратегиясида электрон ҳукумат тизимини ривожлантиришга алоҳида эътибор қаратилган.
 
2017 йилда 50дан ортиқ муҳим хизматлар интерактив шаклга ўтказилиши режалаштирилган. Хусусан, тадбиркорлар учун экспорт ва импорт шартномаларини имзолаш электронлаштирилади. Жорий йилда аҳоли ва давлат идоралари хизматчиларининг компьютер саводхонлигини ошириш бўйича ўқув дарслари ташкил этилади. Интернетга уланиш тизими сифат ва тезкорлик бўйича янада яхшиланади. 
Дурдона Расулова 

Теглар:Миллий мобиль оператори Uzmobile Бепул интернет 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар