Ражаб Тойиб Эрдўған Покистон Ислом Республикасига бўлган ташрифидан сўнг, Ўзбекистонга йўл олди.
Аввалроқ, Туркия Республикаси Президенти Ражаб Тойиб Эрдўған расмий ташриф билан Ўзбекистонга келиши ҳақида хабар берган эдик. 16-17 ноябрь кунлари Покистон Ислом Республикасида бўлган Тойиб Эрдўған 17 ноябрь куни Покистондан Ўзбекистонга йўл олди. Туркия раҳбари ўтирган самолёт ярим тунда Самарқанд аэропортига келиб қўнди. Катта делегация билан келган Ражаб Тойиб Эрдўғанни Ўзбекистон Республикаси Бош вазири ўринбосари А.Икромов бошчилигидаги делегация кутиб олди. Бу ҳақда ЎзА хабар бермоқда.
Президент бўлганидан буён Ўзбекистонга илк бор ташриф буюраётган Ражаб Тойиб Эрдўған Самарқандга келиб қўнишининг сабаблари бор. У ташрифини Ўзбекистон Республикасининг Биринчи Президенти Ислом Каримов қабрини зиёрат қилишдан бошлашни мақсад қилган. Ташрифнинг асосий учрашувлари эса Тошкентда бўлиб ўтади.
Туркия раҳбари Ўзбекистон Республикаси Президенти вазифасини бажарувчи Шавкат Мирзиёев билан Ўзбекистон-Туркия муносабатларининг истиқболдаги режаларини муҳокама қилиш, ҳамкорликни ривожлантириш масалаларини кўриб чиқиш учун ташриф буюрган.
Маълумот учун, Ражаб Тойиб Эрдўған сўнгги бор Ўзбекистонга бундан 13 йил аввал, Бош вазир лавозимида ишлаб юрган кезлари келган эди.
Президент бўлганидан буён Ўзбекистонга илк бор ташриф буюраётган Ражаб Тойиб Эрдўған Самарқандга келиб қўнишининг сабаблари бор. У ташрифини Ўзбекистон Республикасининг Биринчи Президенти Ислом Каримов қабрини зиёрат қилишдан бошлашни мақсад қилган. Ташрифнинг асосий учрашувлари эса Тошкентда бўлиб ўтади.
Туркия раҳбари Ўзбекистон Республикаси Президенти вазифасини бажарувчи Шавкат Мирзиёев билан Ўзбекистон-Туркия муносабатларининг истиқболдаги режаларини муҳокама қилиш, ҳамкорликни ривожлантириш масалаларини кўриб чиқиш учун ташриф буюрган.
Маълумот учун, Ражаб Тойиб Эрдўған сўнгги бор Ўзбекистонга бундан 13 йил аввал, Бош вазир лавозимида ишлаб юрган кезлари келган эди.
