![Тошкентдаги янги кўприк ҳақида нималар биласиз? Тошкентдаги янги кўприк ҳақида нималар биласиз?](/uploads/images/news/5b6187a99a14e.jpg)
Ўзбекистонда 2018 йил жаҳон андозаларига жавоб берадиган 5 та кўприк ва йўл ўтказгич қуриш режалаштирилган.
Жумладан, Тошкент шаҳрининг автомобиль энг кўп ҳаракатланувчи Бунёдкор ва Чўпонота кўчалари кесишмасида ҳам улкан бунёдкорлик ишлари амалга оширилмоқда.
![](/uploads/images/content/image/1_(566).jpg)
Кўприкнинг бош режаси “Боштранслойиҳа” акциядорлик жамияти мутахассислари томонидан ишлаб чиқилган. Бунёд этилаётган ушбу иншоот 6 йўлакдан иборат.
Қурилаётган кўприкнинг умумий узунлиги 667,5 метр, эстакада қисмининг узунлиги 488,5 метр, баландлиги 8 метр ва кенглиги эса 24,5 метрни ташкил этади. Улкан иншоот 21 та устун оралиғида барпо этилган.
![](/uploads/images/content/image/2_(608).jpg)
Эътиборлиси, бу ерда умумий узунлиги 124 метр бўлган иккита пиёдалар ўтиш кўприги қурилган ҳамда ёши кекса ва ногиронлар учун махсус лифт ва эскалатор ўрнатилган.
Ушбу кўприк яқин кунларда фойдаланишга топширилиши кутилмоқда.
![](/uploads/images/content/image/3_(761).jpg)