Тошкентда бир ҳафтада ЙҲХ ходимлари томонидан 25.056 та қоидабузарлик қайд этилди

9-16 март кунлари Тошкент шаҳар Йўл ҳаракати хавфсизлиги бошқармаси томонидан Йўл ҳаракати хавфсизлиги қоидаларини бузиш ҳолатларини аниқлаш ва уларнинг олдини олиш мақсадида ўтказилган рейдлар давомида 25.056 та қоидабузарликлар аниқланиб, тегишли маъмурий таъсир чоралари кўрилган. Бу ҳақда Тошкент шаҳар Ички ишлар бош бошқармасида ўтказилган брифингда сўз борди.
 
Маълумотларга қараганда, маъмурий қоидабузарликларнинг 8.158 таси қўпол қоидабузарликлар, 261 таси маст ҳолда транспорт воситасини бошқариш, 486 таси уяли телефондан фойдаланиш, 2.528 таси тезликни меъёридан оширганлик, 437 таси светофор таъқиқловчи чироғига риоя қилмаслик, 75 таси инспекторнинг тўхташ тўғрисидаги ишорасига бўйсинмаслик, 88 таси ойналарни қорайтириш, 421 таси тегишли ҳужжатларсиз транспорт воситасини бошқарганлик, 1774 таси йўл белгиларига ва 129 таси тўхташ ва тўхтаб туриш қоидаларига риоя қилмаганлик ҳолатларини ташкил этган.