Диний мазмундаги материалларни экспертиза қилиш гурухи мутахассисларнинг хулоса қилишича, ушбу материаллар “Ўзбекистон исломий ҳаракати” экстремистик гуруҳига қарашли “Жундуллоҳ” жиҳодий студияси томонидан тайёрланган.

Мазкур материаллар ўрнатилган тартибда экспертизадан ўтказилганда, уларнинг мазмуни ақидапарастликни тарғиб этишга қаратилганлиги, шу сабабли республикамизга олиб кириш тақиқланганлиги маълум бўлди.

“Олот” чегара божхона комплекси ходимлари томонидан ҳам шу йўналишдаги божхона қоидабузарлиги фош қилинган. Ўзбекистонга кириб келган эронлик З.Маҳмудризонинг қўл телефонида ҳам беҳаё мазмундагига 50 та видео ва 300 та фотосуратлар борлиги маълум бўлди.