![Сурхондарёда 73 мамлакат билан боғланиш имкониятига эга кутубхона очилди Сурхондарёда 73 мамлакат билан боғланиш имкониятига эга кутубхона очилди](/uploads/images/news/5a6acb66bfc89.jpg)
Китобхон бу кутубхонада 73 мамлакатдаги ахборот-кутубхона марказлари билан боғланиши, истаган китобига буюртма бериши мумкин.
![](/uploads/images/content/image/1_(86).jpg)
Кутубхоначиликнинг сўнгги ютуқлари асосида бунёд этилган марказ аҳолига виртуал ва электрон кутубхона хизматлари кўрсатиш бўйича Ўзбекистондаги илғор муассасалардан бирига айланди. Кутубхонада мутолаа заллари, муҳокама ва компьютер хоналари, медиа-студиялар, маълумот алмашиш имконини берувчи видеотармоқ мавжуд. Бундан ташқари, китобхонларга “Китоб олами” дўкон растаси, Wi-Fi ҳудуд ва “Book cafe”лар хизмат кўрсатмоқда.
![](/uploads/images/content/image/2_(117).jpg)
Шунингдек, китобхон 73 мамлакатдаги ахборот-кутубхона марказлари билан боғланиши, истаган китобига буюртма бериши мумкин. Марказнинг кўчма кутубхонаси бўлиб, у китоб ва телекоммуникация технологиялари ва интернет билан жиҳозланган “Biblio bus” орқали чекка тоғли қишлоқлар, маҳаллаларга ҳам “кириб боради”. Бу орқали олис ҳудудларда ҳам китобхонликни оммалаштиришга эришиш кўзланган.