Мазкур шартнома 2023 йилга қадар мўлжалланган.
Бокс бўйича ўрта вазн тоифасида WBC ва WBА йўналишлари бўйича жаҳон чемпиони Сауль Альварес DAZN видео хизмати билан спорт тарихидаги энг қиммат шартномани имзолади.
Альварес билан тузилган шартнома 5 йилга мўлжалланган бўлиб, 2023 йилда ўз ниҳоясига етади. Мазкур давр мобайнида мексикалик боксчи 11 та жангда иштирок этади.
Шартнома қоидаларига кўра, мексикалик боксчи ушбу жанглар учун олдиндан кафолатланган 365 миллион АҚШ долларига эга бўлади. Бу спорт тарихидаги энг йирик шартнома ҳисобланади. Альварес ҳар бир жанг учун ўртача 30 миллион АҚШ доллари олади.
Маълумот учун, аввалги рекорд бейсболчи Жанкарло Стентонга тегишли эди. У 2014 йилда “Маями Марлинз” бейсбол клуби билан 13 йилга мўлжалланган 325 миллион АҚШ долларга тенг шартномага имзо қўйганди.
DAZN билан шартнома бўйича Альварес биринчи жангини жорий йилнинг 15 декабрь куни британиялик Рокки Филдингга қарши ўтказади. Жанг WBА’нинг иккинчи ўрта вазни чемпионлик камари учун бўлиб ўтади.
Таъкидлаш жоизки, 28 ёшли Сауль Альварес фаолияти давомида 53 та жанг ўтказган бўлиб, уларнинг 50 тасида ғалаба қозонган. Шунингдек, унинг ҳисобида 1 мағлубият ва 2 дуранг ҳам бор. У ғалабаларининг 34 тасида рақибларини нокаутга учратишнинг уддасидан чиққан.
Альварес билан тузилган шартнома 5 йилга мўлжалланган бўлиб, 2023 йилда ўз ниҳоясига етади. Мазкур давр мобайнида мексикалик боксчи 11 та жангда иштирок этади.
Шартнома қоидаларига кўра, мексикалик боксчи ушбу жанглар учун олдиндан кафолатланган 365 миллион АҚШ долларига эга бўлади. Бу спорт тарихидаги энг йирик шартнома ҳисобланади. Альварес ҳар бир жанг учун ўртача 30 миллион АҚШ доллари олади.
Маълумот учун, аввалги рекорд бейсболчи Жанкарло Стентонга тегишли эди. У 2014 йилда “Маями Марлинз” бейсбол клуби билан 13 йилга мўлжалланган 325 миллион АҚШ долларга тенг шартномага имзо қўйганди.
DAZN билан шартнома бўйича Альварес биринчи жангини жорий йилнинг 15 декабрь куни британиялик Рокки Филдингга қарши ўтказади. Жанг WBА’нинг иккинчи ўрта вазни чемпионлик камари учун бўлиб ўтади.
Таъкидлаш жоизки, 28 ёшли Сауль Альварес фаолияти давомида 53 та жанг ўтказган бўлиб, уларнинг 50 тасида ғалаба қозонган. Шунингдек, унинг ҳисобида 1 мағлубият ва 2 дуранг ҳам бор. У ғалабаларининг 34 тасида рақибларини нокаутга учратишнинг уддасидан чиққан.
Дилмуроджон Раҳимов
