ШҲТ саммити: Остона декларацияси қабул қилинди

Остона шаҳрида Шанхай ҳамкорлик ташкилоти давлат раҳбарларининг кенгайтирилган мажлисида ШҲТ аъзо давлатлари раҳбарлари Остона декларациясини қабул қилишди.
 
Бундан ташқари, экстремизмга қарши ШҲТ Конвенцияси, ШҲТ аъзо давлатлари раҳбарларининг халқаро терроризмга қарши биргаликда курашиш ва ушбу мажлисга оид бир қатор муҳим ҳужжатлар ҳам имзоланди.
 
Раислик қилган томон Қозоғистон Президенти Нурсултон Назарбоев барча иштирокчиларга ажойиб суҳбат, керакли таклифлар учун миннатдорлик билдирди. Шу билан ШҲТ саммитининг кейинги йиғилиши Хитой Халқ Республикасига ўтди.