Янги уй соҳиблари Президент билан суҳбатда яратилган шароитлардан мамнун эканлигини изҳор этишди.
Ўзбекистон Республикаси Президенти Шавкат Мирзиёев Сергели туманида қурилган янги уйларни бориб кўрди.
Тошкент шаҳри сайловчилари вакиллари билан учрашувда пойтахтдаги уй-жой муаммосига алоҳида эътибор қаратган Давлат раҳбари, учрашувда 5 йил давомида пойтахтнинг ҳар бир туманда ўртача 20 тадан, умумий ҳисобда 200 тадан ортиқ 7 ва 9 қаватли кўп хонадонли уй-жойлар қурилишини таъкидлаган эди.
Жорий йилнинг бошида қурилиши бошланган мазкур уй-жойлар бугун тўлиқ якунига етказилди. Шавкат Мирзиёев ўтган давр мобайнида қурилиш ишларининг бориши билан бир неча маротаба танишди, тегишли топшириқлар берди.
Президент бугун, яъни 17 ноябрь куни мазкур уй-жойларни бориб кўрди. 13 гектар майдонда 66 кўп қаватли уй-жой қад ростлаган. 1, 2 ва 3 хонали бу уйлар аҳолига имтиёзли кредитлар асосида берилди.
Уйлар атрофида 240 ўринли мактабгача таълим муассасаси, 630 ўринли ўрта таълим мактаби, 61-сонли оилавий поликлиника, ёпиқ турдаги сузиш ҳавзаси, шаҳар милиция бўлинмаси, почта ва китоб дўкони, дам олиш масканлари, поликлиника, болалар майдончалари, автомобиль турар-жойлари, велотрассалар барпо этилган.
Ўзбекистон Миллий ахборот агентлигининг хабарига кўра, Президент Шавкат Мирзиёев келажакда қуриладиган бу каби уйларни янада такомиллаштириш бўйича тавсия ва топшириқлар ҳам бериб ўтган.
Тошкент шаҳри сайловчилари вакиллари билан учрашувда пойтахтдаги уй-жой муаммосига алоҳида эътибор қаратган Давлат раҳбари, учрашувда 5 йил давомида пойтахтнинг ҳар бир туманда ўртача 20 тадан, умумий ҳисобда 200 тадан ортиқ 7 ва 9 қаватли кўп хонадонли уй-жойлар қурилишини таъкидлаган эди.
Жорий йилнинг бошида қурилиши бошланган мазкур уй-жойлар бугун тўлиқ якунига етказилди. Шавкат Мирзиёев ўтган давр мобайнида қурилиш ишларининг бориши билан бир неча маротаба танишди, тегишли топшириқлар берди.
Президент бугун, яъни 17 ноябрь куни мазкур уй-жойларни бориб кўрди. 13 гектар майдонда 66 кўп қаватли уй-жой қад ростлаган. 1, 2 ва 3 хонали бу уйлар аҳолига имтиёзли кредитлар асосида берилди.
Уйлар атрофида 240 ўринли мактабгача таълим муассасаси, 630 ўринли ўрта таълим мактаби, 61-сонли оилавий поликлиника, ёпиқ турдаги сузиш ҳавзаси, шаҳар милиция бўлинмаси, почта ва китоб дўкони, дам олиш масканлари, поликлиника, болалар майдончалари, автомобиль турар-жойлари, велотрассалар барпо этилган.
Ўзбекистон Миллий ахборот агентлигининг хабарига кўра, Президент Шавкат Мирзиёев келажакда қуриладиган бу каби уйларни янада такомиллаштириш бўйича тавсия ва топшириқлар ҳам бериб ўтган.
Сиёвуш Тўрахўжаев
