Россия Ҳукумати раиси Ўзбекистон Президенти қабулида бўлди.
Аввалроқ Россия Бош вазири Дмитрий Медведев ушбу ҳафтада расмий ташриф билан Ўзбекистонга келиши ва Президент Шавкат Мирзиёев қабулида бўлиши ҳақида хабар берган эдик.
Кеча, 2 ноябрь куни Ўзбекистон Республикаси Президенти Шавкат Мирзиёев Ўзбекистонда расмий ташриф билан бўлиб турган ҳамда МДҲ Ҳукумат раҳбарлари кенгашининг навбатдаги мажлисида иштирок этадиган Россия Федерацияси Ҳукумати раиси Дмитрий Медведевни қабул қилди.
Шавкат Мирзиёев ва Дмитрий Медведев ўртасида бўлиб ўтган суҳбат давомида жорий йилнинг апрель ойида Москва шаҳрида ўтган олий даражадаги музокаралар, икки мамлакат раҳбарларининг учрашувлари, жумладан, октябрь ойида МДҲнинг Сочи саммити доирасидаги мулоқоти стратегик шериклик ва иттифоқчилик муносабатларини мустаҳкамлашга кучли суръат бағишлагани, ўзаро ҳамкорликни сифат жиҳатидан янги мазмун билан бойитгани алоҳида таъкидланди.
Шунингдек, кўп қиррали Ўзбекистон–Россия муносабатларини янада кенгайтириш, ўзаро савдо ҳажмини ошириш, иқтисодиётнинг турли тармоқларида қўшма кооперация лойиҳаларини ҳаётга татбиқ этиш, маданий-гуманитар алоқаларни ривожлантириш масалалари муҳокама қилинди.
Россия Ҳукумати раиси Дмитрий Медведев Ўзбекистон Республикаси Президенти Шавкат Мирзиёевга самимий қабул учун миннатдорлик билдирди ва Россия Федерацияси Президенти Владимир Путиннинг эзгу тилакларини етказди.
Бундан ташқари, Ўзбекистон ва Россиянинг шериклик муносабатлари ва ўзаро амалий ҳамкорликни янада ривожлантириш ва мустаҳкамлашдан манфаатдор эканлиги таъкидлаб ўтилди.
Кеча, 2 ноябрь куни Ўзбекистон Республикаси Президенти Шавкат Мирзиёев Ўзбекистонда расмий ташриф билан бўлиб турган ҳамда МДҲ Ҳукумат раҳбарлари кенгашининг навбатдаги мажлисида иштирок этадиган Россия Федерацияси Ҳукумати раиси Дмитрий Медведевни қабул қилди.
Шавкат Мирзиёев ва Дмитрий Медведев ўртасида бўлиб ўтган суҳбат давомида жорий йилнинг апрель ойида Москва шаҳрида ўтган олий даражадаги музокаралар, икки мамлакат раҳбарларининг учрашувлари, жумладан, октябрь ойида МДҲнинг Сочи саммити доирасидаги мулоқоти стратегик шериклик ва иттифоқчилик муносабатларини мустаҳкамлашга кучли суръат бағишлагани, ўзаро ҳамкорликни сифат жиҳатидан янги мазмун билан бойитгани алоҳида таъкидланди.
Шунингдек, кўп қиррали Ўзбекистон–Россия муносабатларини янада кенгайтириш, ўзаро савдо ҳажмини ошириш, иқтисодиётнинг турли тармоқларида қўшма кооперация лойиҳаларини ҳаётга татбиқ этиш, маданий-гуманитар алоқаларни ривожлантириш масалалари муҳокама қилинди.
Россия Ҳукумати раиси Дмитрий Медведев Ўзбекистон Республикаси Президенти Шавкат Мирзиёевга самимий қабул учун миннатдорлик билдирди ва Россия Федерацияси Президенти Владимир Путиннинг эзгу тилакларини етказди.
Бундан ташқари, Ўзбекистон ва Россиянинг шериклик муносабатлари ва ўзаро амалий ҳамкорликни янада ривожлантириш ва мустаҳкамлашдан манфаатдор эканлиги таъкидлаб ўтилди.
Акмалхон Эшонхонов
