Саудия Арабистони подшоҳи Президент номига табрик йўллади

Ўзбекистон Мустақиллигининг 26 йиллиги муносабати билан Ўзбекистон Республикаси Президенти Шавкат Мирзиёев номига хорижий давлатлар ва ҳукуматлар, нуфузли халқаро ташкилотлар раҳбарларидан самимий қутловлар келмоқда. Бу ҳақда ЎзА хабар берди.
 
Саудия Арабистони Подшоҳи Салмон бин Абдулазиз Ал Сауднинг табрик хатида шундай дейилади:
 

 
Ассалому алайкум ва раҳматуллоҳи ва барокатуҳу
 
Сиз, Жаноби Олийларига мамлакатингиз Мустақиллиги куни муносабати билан Саудия Арабистони Подшоҳлиги халқи, ҳукумати ва ўз номимдан самимий табриклар ва эзгу истаклар йўллашдан мамнунлигимни билдириб, Сизга сиҳат-саломатлик ва бахт-саодат, Ўзбекистон халқига янада юксалиш ва фаровонлик тилайман.
 
Жаноби Олийлари, саломларимиз ва эҳтиромларимизни қабул қилгайсиз.
 

 
 
Шунингдек, бошқа бир қатор мамлакатлар расмийларидан табрик ва қутловлар келиши давом этмоқда. Жумладан,  Белгия қироли Филипп қуйидаги мазмундаги табрик йўллади:
 

 
Сизга, Жаноби Олийлари ва бутун ўзбек халқига Ўзбекистон Республикасининг Мустақиллик байрами муносабати билан бахт ва фаровонлик тилайман.
 

 
 
Бундан ташқари, Ўзбекистон Республикаси Президенти ҳамда ҳалқи номига қуйидаги расмий вакиллар ҳам ўз табрикларини йўллаган:
 
Арманистон Республикаси Президенти Серж Саргсян
 
Беларусь Республикаси Президенти Александр Лукашенко
 
Тожикистон Республикаси Президенти Имомали Раҳмон
 
Ҳиндистон Республикаси Президенти Рам Натх Ковинд
 
Саудия Арабистони Подшоҳлиги валиаҳди, Вазирлар Маҳкамаси раисининг ўринбосари Муҳаммад бин Салмон бин Абдулазиз Ал Сауд
 
Жазоир Халқ Демократик Республикаси Президенти Абдулазиз Бутефлика
 
Сингапур Республикаси Президенти Тони Тан Кенг Ям
 
Италия Республикаси Президенти Сержио Маттарелла
 
Польша Республикаси Президенти Анджей Дуда
 
Қутловлар келиши давом этмоқда...