Ўзбекистондаги футбол мухлислари Санъат Шариповнинг кимлигини жуда яхши билади.
Таниқли футбол мутахассиси Санъат Шарипов Ўзбекистон футбол ассосиациясида маслаҳатчи сифатида фаолият юритади. Бу ҳақда ЎФА Матбуот хизмати маълум қилди.
Маълумки, Санъат Шариповни Ўзбекистондаги футбол мухлислари жуда яхши билади. У дастлаб агент сифатида фаолият юритиб, бир неча йил давомида кўплаб ўзбекистонлик футболчиларни хориж клубларида тўп суриб, легионерга айланишларига ёрдам берган.
Бундан ташқари, Санъат Шариповни Жаҳон чемпионати, Европа чемпионати каби катта мусобақалардан тайёрлаган видерепортажлари ва мақолаларидан футбол мухлислари яхши хабардор.
Маълумот ўрнида, Санъат Шарипов 2003 йил Москвадаги Ломоносов номидаги Журналистика факультетини тамомлаган ҳамда 2016 йил Швейцариянинг Цюрих шаҳридаги Халқаро Ҳуқуқ факультетининг Халқаро Спорт йўналишида таълим олиб, уни муваффақиятли якунлаган. Шунингдек, 2016 йил Жанубий Африка Республикаси Футбол ассоциациясида футболни ривожлантириш бўлимида иш олиб борган.
Катта халқаро тажрибага эга бўлган футбол мутахассиси Санъат Шарипов эндиликда Ўзбекистон футбол ассоциациясида маслаҳатчи сифатида фаолият юритади.
“Ўзбекистон футбол ассоциациясида маслаҳатчи сифатида фаолият юритиш, умуман, ўзбек футболи ривожига ҳисса қўшиш мен учун катта шараф. Ўз билим ва тажрибамни юртимиз футболи равнақи йўлида сарфлашга тайёрман. Умид қиламанки, ЎФА раҳбарияти томонидан олиб борилаётган ислоҳотлар тез орада ўз самарасини бериб, терма жамоаларимизни Олимпиада ва Жаҳон чемпионатларида кўриш насиб этади”, дейди Санъат Шарипов.
“Шарипов Европа футболидаги ютуқлар, бой тажриба ва футболчиларни тарбиялашда йўлга қўйилган тизим, маҳаллий футболчиларнинг хориж клублари билан шартнома имзолашда аҳамият қаратиши керак бўлган жиҳатлар каби кўплаб масалаларда ўзининг қимматли маслаҳатлари билан ўртоқлашиб боради”, дейилади хабарда.
Маълумки, Санъат Шариповни Ўзбекистондаги футбол мухлислари жуда яхши билади. У дастлаб агент сифатида фаолият юритиб, бир неча йил давомида кўплаб ўзбекистонлик футболчиларни хориж клубларида тўп суриб, легионерга айланишларига ёрдам берган.
Бундан ташқари, Санъат Шариповни Жаҳон чемпионати, Европа чемпионати каби катта мусобақалардан тайёрлаган видерепортажлари ва мақолаларидан футбол мухлислари яхши хабардор.
Маълумот ўрнида, Санъат Шарипов 2003 йил Москвадаги Ломоносов номидаги Журналистика факультетини тамомлаган ҳамда 2016 йил Швейцариянинг Цюрих шаҳридаги Халқаро Ҳуқуқ факультетининг Халқаро Спорт йўналишида таълим олиб, уни муваффақиятли якунлаган. Шунингдек, 2016 йил Жанубий Африка Республикаси Футбол ассоциациясида футболни ривожлантириш бўлимида иш олиб борган.
Катта халқаро тажрибага эга бўлган футбол мутахассиси Санъат Шарипов эндиликда Ўзбекистон футбол ассоциациясида маслаҳатчи сифатида фаолият юритади.
“Ўзбекистон футбол ассоциациясида маслаҳатчи сифатида фаолият юритиш, умуман, ўзбек футболи ривожига ҳисса қўшиш мен учун катта шараф. Ўз билим ва тажрибамни юртимиз футболи равнақи йўлида сарфлашга тайёрман. Умид қиламанки, ЎФА раҳбарияти томонидан олиб борилаётган ислоҳотлар тез орада ўз самарасини бериб, терма жамоаларимизни Олимпиада ва Жаҳон чемпионатларида кўриш насиб этади”, дейди Санъат Шарипов.
“Шарипов Европа футболидаги ютуқлар, бой тажриба ва футболчиларни тарбиялашда йўлга қўйилган тизим, маҳаллий футболчиларнинг хориж клублари билан шартнома имзолашда аҳамият қаратиши керак бўлган жиҳатлар каби кўплаб масалаларда ўзининг қимматли маслаҳатлари билан ўртоқлашиб боради”, дейилади хабарда.
Акмалхон Эшонхонов
