Салонида 18 нафар йўловчи бўлган микроавтобус ҳалокатга учради.
Хабарда айтилишича, микроавтобус салонида 18 нафар йўловчи бўлган. Уларнинг 2 нафари қозоғистонлик, қолганлари ўзбекистонлик экани таъкидланмоқда.
Ушбу ЙТҲ натижасида уч киши ҳалок бўлгани, уларнинг икки нафари Ўзбекистон фуқаролари экани тасдиқланган.
Воқеа натижасида оғир жароҳат олган яна икки нафар йўловчи Жамбилнинг Кордай райони шифохонасига келтирилган. Маълум қилинишича, икки нафар йўловчининг ҳам аҳволи жуда оғир.
Қолган ўзбек йўловчилари Ўзбекистон чегарасига олиб келинган ва ўзбек шифокорларига топширилган.
Ҳозирда Қозоғистоннинг мутасадди идора ходимлари қурбон бўлганларнинг шахси ва танасининг аҳволини аниқлаш бўйича экспертиза иши олиб боришмоқда.