Ўзбекистон Республикаси Президенти Ислом Каримов Ҳиндистон Республикаси Бош вазири Нарендра Моди билан учрашди.
Аввалроқ, Ҳиндистон Республикаси Бош вазири Нарендра Моди 23-24 июнь кунлари Тошкент шаҳрида бўлиб ўтадиган Шанхай ҳамкорлик ташкилотига аъзо давлатлар раҳбарларининг саммитида иштирок этиш учун Ўзбекистонга келгани ҳақида хабар берган эдик.
Бугун 23 июнь куни Ўзбекистон Республикаси Президенти Ислом Каримов Кўксаройда Ҳиндистон Республикаси Бош вазири Нарендра Моди билан учрашув ўтказди. Бу ҳақда ЎзА хабар бермоқда.
Ислом Каримов Ҳиндистон Республикаси Бош вазири Нарендра Моди билан суҳбатда ушбу учрашув олий даражадаги сиёсий мулоқотларнинг мантиқий давоми, эришилган келишувлар ижросини муҳокама қилиш ва ҳамкорликнинг истиқболларини белгилаб олиш учун яхши имконият эканини таъкидлади.
Ўзбекистон Ҳиндистон билан алоқаларга алоҳида аҳамият қаратади. Икки мамлакат ўртасидаги савдо-иқтисодий ва инвестициявий ҳамкорлик изчил ривожланиб бормоқда. Кейинги беш йилда ўзаро товар айирбошлаш 2 баробар ўсган. 2015 йилда бу кўрсаткич қарийб 320 миллион долларни ташкил этган. Ўзбекистонда Ҳиндистон капитали иштирокида тузилган 100 дан зиёд корхона, ушбу мамлакатнинг 15 фирма ва компанияси ваколатхоналари фаолият юритмоқда.
Инвестициявий ҳамкорлик тобора кенгайиб бормоқда. Ўзбекистонда рақобатбардош саноат маҳсулотлари ишлаб чиқаришга қаратилган қатор қўшма лойиҳалар амалга оширилмоқда. “Навоий” эркин индустриал-иқтисодий зонасида “Минда Групп” компанияси билан ҳамкорликда енгил автомобиллар учун спидометр, тахометр ва турли электрон қурилмалар ишлаб чиқарилмоқда. “Новафарм”, “Ультра Ҳелс Кеар”, “Велл Мед Фарм” каби корхоналарда кенг турдаги фармацевтика маҳсулотлари тайёрланмоқда.
Давлатларимиз минтақавий ва халқаро ташкилотлар доирасида ўзаро ҳамкорлигини мустаҳкамлаб, халқаро майдонда бир-бирини қўллаб-қувватлаб келмоқда, дейилади хабарда.
Президент Ислом Каримов Ўзбекистон Ҳиндистоннинг ШҲТга аъзо давлат бўлишга интилишини қўллаб-қувватлашини, бу ташкилотнинг нуфузини янада ошириши ҳамда минтақа халқлари тинчлиги ва фаровонлигига хизмат қилишини қайд этди.
Нарендра Моди самимий учрашув учун Президент Ислом Каримовга миннатдорлик билдириб, Ҳиндистон Ўзбекистон билан ҳамкорликни янада ривожлантиришдан манфаатдор эканини таъкидлади.
Бугун 23 июнь куни Ўзбекистон Республикаси Президенти Ислом Каримов Кўксаройда Ҳиндистон Республикаси Бош вазири Нарендра Моди билан учрашув ўтказди. Бу ҳақда ЎзА хабар бермоқда.
Ислом Каримов Ҳиндистон Республикаси Бош вазири Нарендра Моди билан суҳбатда ушбу учрашув олий даражадаги сиёсий мулоқотларнинг мантиқий давоми, эришилган келишувлар ижросини муҳокама қилиш ва ҳамкорликнинг истиқболларини белгилаб олиш учун яхши имконият эканини таъкидлади.
Ўзбекистон Ҳиндистон билан алоқаларга алоҳида аҳамият қаратади. Икки мамлакат ўртасидаги савдо-иқтисодий ва инвестициявий ҳамкорлик изчил ривожланиб бормоқда. Кейинги беш йилда ўзаро товар айирбошлаш 2 баробар ўсган. 2015 йилда бу кўрсаткич қарийб 320 миллион долларни ташкил этган. Ўзбекистонда Ҳиндистон капитали иштирокида тузилган 100 дан зиёд корхона, ушбу мамлакатнинг 15 фирма ва компанияси ваколатхоналари фаолият юритмоқда.
Инвестициявий ҳамкорлик тобора кенгайиб бормоқда. Ўзбекистонда рақобатбардош саноат маҳсулотлари ишлаб чиқаришга қаратилган қатор қўшма лойиҳалар амалга оширилмоқда. “Навоий” эркин индустриал-иқтисодий зонасида “Минда Групп” компанияси билан ҳамкорликда енгил автомобиллар учун спидометр, тахометр ва турли электрон қурилмалар ишлаб чиқарилмоқда. “Новафарм”, “Ультра Ҳелс Кеар”, “Велл Мед Фарм” каби корхоналарда кенг турдаги фармацевтика маҳсулотлари тайёрланмоқда.
Давлатларимиз минтақавий ва халқаро ташкилотлар доирасида ўзаро ҳамкорлигини мустаҳкамлаб, халқаро майдонда бир-бирини қўллаб-қувватлаб келмоқда, дейилади хабарда.
Президент Ислом Каримов Ўзбекистон Ҳиндистоннинг ШҲТга аъзо давлат бўлишга интилишини қўллаб-қувватлашини, бу ташкилотнинг нуфузини янада ошириши ҳамда минтақа халқлари тинчлиги ва фаровонлигига хизмат қилишини қайд этди.
Нарендра Моди самимий учрашув учун Президент Ислом Каримовга миннатдорлик билдириб, Ҳиндистон Ўзбекистон билан ҳамкорликни янада ривожлантиришдан манфаатдор эканини таъкидлади.
