...
МЕНЮ
ONLINE TV

Ўзбекистонлик зиёратчилар Умра сафарига жўнатилди


09:40, 27.06.2016 Жамият
 3 006

Зиёратчиларининг биринчи гуруҳи Саудия Арабистонига жўнаб кетди

Кеча, 25 июнь куни Тошкент халқаро аэрпортидан “Умра-2016” Рамазон мавсуми зиёратчиларининг биринчи гуруҳи Саудия Арабистонига жўнаб кетди. Бу ҳақда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита Матбуот хизмати хабар бермоқда.

Зиёратчиларни сафарга кузатишда Дин ишлари бўйича қўмита, Ўзбекистон мусулмонлари идораси ҳамда бошқа масъул вазирлик ва ташкилот вакиллари иштирок этган.
 
Умрачиларга қулай шароитлар яратиш мақсадида “Тошкент” халқаро аэропортида алоҳида рўйхатдан ўтиш каби қулай шароитлар яратилди. Зиёратчилар билан бирга Саудияда хизмат кўрсатиш учун ишчи гуруҳи аъзолари, шифокор ва ошпазлар ҳам жўнаб кетди.

Саудия Арабистонининг Мадина шаҳрида зиёратчилар Пайғамбаримиз масжидларидан атиги 150 метр узоқликдаги замонавий 4 юлдузли “Мавадда Нур” меҳмонхонасига жойлашадилар. Маккада эса 1000-1500 метр узоқликдаги “Нама мавадда” меҳмонхонасида бўладилар, дейилади хабарда.

Меҳмонхоналарда зиёратчилар учун миллий таомлардан иборат саҳарлик ва ифторликлар, иссиқ ва салқин ичимликлар ҳозирланган.

Умрачиларнинг саломатлигини доимий назорат қилиш мақсадида меҳмонхоналарда минишифохона ташкил этилган.

Макка шаҳрида Ҳарам масжидига қатнайдиган миниавтобуслар ҳаракати ҳам мунтазам йўлга қўйилган.
Бир сўз билан айтганда, зиёратчилар эсон-омон зиёратларга бориб, тўлиқ ибодат қилиб қайтишлари учун барча шароитлар муҳайё этилган.

Теглар:Умра Дин ишлари бўйича қўмита Ўзбекистон мусулмонлари идораси Макка Саудия Арабистони 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар