Ўзбекистонда электр энергияси ишлаб чиқариш ҳажми кўпайди

Ўзбекистондаги электр станциялари томонидан ўтган йилда 60,7 млрд. кВт/соат электр энергияси ишлаб чиқарилди. Бу 2016 йилга нисбатан 2,9 фоиз кўп.
 
“Ўзбекэнерго” АЖ матбуот хизмати хабарига кўра, ўтган йилда “Ўзбекэнерго” АЖ электр станцияларида 52,1 млрд. кВт/соат электр энергияси тайёрланган.
 
Истеъмолчиларга 48,0 млрд. кВт/соат, жумладан, аҳолига 12,5 млрд. кВт/соат электр қуввати етказиб берилган.
 
1,85 млрд. кВт/соат электр энергияси экспорт қилинган. Қирғизистондан 1,2 млрд. кВт/соат электр энергияси импорт қилинган.