...
МЕНЮ
ONLINE TV

Ўзбекистонда АҚШдан чўчқа гўшти импортига рухсат берилиши мумкин


09:04, 26.07.2017 Жамият
 4 301

Орадан уч йил ўтиб Ўзбекистонга Америкадан чўчқа гўшти импорт қилиниши мумкин.

2014 йил Америкада PEDV – чўчқа эпидемик диарея вируси аниқланганда, чўчқа гўштини Ўзбекистонга импорт қилинишига тақиқ қўйилганди.
 
Эндиликда орадан уч йил ўтиб, Ўзбекистонга Америкадан чўчқа гўшти ишлаб чиқарилган санаси 2017 йил 1 январь кунидан бошланган бўлса, Ўзбекистонга импортга қилинишига рухсат берилиши мумкин. Бу ҳақда Америка қўшма штатлари гўштни экспорт қилиш федерацияси (U.S. Meat Export Federation) хабар берди.
 
“Гўшт етказиб берилиши тўхтатилиши биз учун қайғули бўлди. Чунки дастлабки партиялар Ўзбекистонда яхши қабул қилинганди. Аммо диарея вируси аниқлангани сабаб Ўзбекистонга чўчқа гўшти олиб кириши тақиқи жорий этилди.
 
Тақиқ қисқа фурсатда олиб ташланмади, лекин таслим бўлмадик. АҚШ қишлоқ хўжалиги вазирлиги билан ҳамкорликда бу масала бўйича ишни давом эттирдик. Ўзбекистоннинг мутасадди ходимларига бизга қарор зарурлиги ҳақида эслатмалар бердик.
 
Мамнуният билан айтаманки, АҚШ чўчқа гўшти Ўзбекистон бозорларига яна қайтади”, дейди АҚШ гўштни экспорт қилиш федерациянинг минтақадаги вакили Юрий Баруткин.
 
Эслатиб ўтамиз, Америка гўштни экспорт қилиш федерацияси (USMEF) – АҚШда етиштирилган мол, чўчқа, қўй гўштларини дунё бозорига етказиб бериш билан шуғулланадиган нодавлат савдо ташкилоти ҳисобланади. USMEF қароргоҳи Денвер шаҳрида жойлашган. 
Акмал Эшонхонов

Теглар:Чўчқа гўшти АҚШ Ўзбекистон 

Дўстларингиз билан бўлишинг:



Ўхшаш мақолалар


Изоҳлар




Изоҳлар

Saida
10:29 27.07.2017

Buzaga chochqa goshtini nima keragi bor 98% axolimiz musupmon bolsa


Sobir
11:18 26.07.2017

Уйлайманки бу сафар канакадир касаллик кушилиб келмайди америкаликлар томондан



Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар