...
МЕНЮ
ONLINE TV

Ўзбекистонда 2019 йилда қанча майдонга пахта экилиши маълум бўлди


11:21, 25.12.2018 Жамият
 6 128

Андижон вилоятида 2019 йилда пахта ҳосили учун 50 минг гектар майдонда плёнка остига чигит экилади.

Ўзбекистон Республикаси Вазирлар Маҳкамасининг “2019 йилда ғўзани навлари бўйича жойлаштириш ва пахта хомашёси етиштиришнинг прогноз ҳажмлари тўғрисида”ги қарори қабул қилинди. Бу ҳақда Адлия вазирлигининг “Ҳуқуқий ахборот” канали хабар бермоқда.
 
Қарорга кўра, 2019 йилда 1 млн гектардан ошиқ ер майдонига пахта экиш режалаштирилган.
 
Ҳокимликлар ва тегишли масъул ташкилотларга 2019 йилда пахтадан қисқартирилган ер майдонларига пахтани қайта жойлаштирмаслик бўйича назоратни кучайтириш топширилди.
 
2019 йил ҳосилидан етиштириладиган ўрта толали ғўзанинг 2-саноат нави 1-класс пахта хомашёсининг ҳар бир тоннаси учун кафолатланган давлат харидининг ўртача нархи 4 000 000 сўм этиб белгиланди.
 
Андижон вилоятида 2019 йилда пахта ҳосили учун 50 минг гектар майдонда плёнка остига чигит экилади.
 
2019 йил пахта ҳосили учун экишга мўлжалланган уруғлик чигит “Ўзпахтасаноат” акциядорлик жамияти ёки пахта-тўқимачилик ишлаб чиқаришлари ва кластерлари ташкилотлари тизими доирасида реализация қилинганда ёки фермер хўжаликларига сотилганда қўшилган қиймат солиғидан озод қилинади.  
 
Пахта – тўқимачилик ишлаб чиқаришлари ва кластерлари ташкилотчиларига, истисно тариқасида, Ўзбекистон Республикаси ҳудудида экишга тавсия этилган қишлоқ хўжалиги экинлари давлат реестрига киритилган ҳамда Қорақалпоғистон Республикаси ва вилоятларда экилиши белгиланган ғўза навларини мустақил равишда жойлаштириш ҳуқуқи берилди.

Теглар:Пахта Вазирлар Маҳкамаси қарори 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар