Ўзбекистон олтин захираси ҳақида маълумот берилди

Ўзбекистон Республикаси Марказий банки мамлакатнинг 2018 йил 1 август ҳолатига кўра олтин-валюта захирасини маълум қилди.
 
Жорий йилнинг июль ойида ялпи олтин-валюта захираларининг 270,6 миллион АҚШ долларига пасайиши кузатилган. Мазкур ҳолат ҳисобот даврида асосан олтин нархининг 1250,55 дан 1219,20 долл./тр.унцияга пасайиши ҳисобига юзага келган. (нархнинг олтин-валюта захираларининг камайишига таъсири – 347,0 миллион доллар).
 
Ҳозирда Республиканинг ялпи олтин-валюта захираси 27 миллиард 389,9 миллион АҚШ долларини ташкил этмоқда.
 
Шундан 13 миллиард 597,6 миллион АҚШ доллари – хорижий валютадаги активлар, 13 миллиард 792,3 миллион АҚШ доллари – монетар олтин.
 
1 август ҳолатига кўра, Ўзбекистоннинг соф олтин валюта-захираси 26 миллиард 365,1 миллион АҚШ доллар миқдорида эканлиги айтилди.
 

Ўзбекистон Республикасининг олтин-валюта захиралари

млн.АҚШ долларида

Кўрсаткичлар	01.04.2018	01.05.2018	01.06.2018	01.07.2018	01.08.2018
I. Ялпи олтин-валюта захиралари	28 494,0	28 352,0	28 123,6	27 660,5	27 389,9
1. Хорижий валютадаги активлар	14 517,2	14 415,9	14 004,7	13 818,3	13 597,6
2. Монетар олтин	13 976,8	13 936,1	14 118,9	13 842,2	13 792,3
II. Соф олтин-валюта захиралари	27 086,7	27 083,8	27 025,0	26 648,9	26 365,1