...
МЕНЮ
ONLINE TV

Ўзбекистон футбол ассоциацияси ва Миллий Олимпия қўмитаси энди биргаликда ишлашади


14:00, 09.02.2018 Спорт
 2 354

Куни кеча Умид Аҳмаджонов Миллий Олимпия қўмитаси раислиги лавозимига тайинланганди.

Аввалроқ, Ўзбекистон футбол федерациясининг сўнгги президенти Умид Аҳмаджонов ЎФФдаги фаолиятини Миллий Олимпия қўмитасида раис лавозимида давом эттириши ҳақида хабар бергандик.
 
Умид Аҳмаджонов Ўзбекистон футбол федерациясини тарк этаётган вақтда ташкилот номи Ўзбекистон футбол ассосиациясига ўзгарди ва Аҳмаджонов ЎФАнинг биринчи вице-президенти этиб тайинланди.
 
Эндиликда Умид Аҳмаджонов Миллий Олимпия қўмитаси ЎФА билан ҳамкорликда ишлаши ҳақида кўрсатма берган. Бу ҳақда ЎФА Матбуот хизмати хабар берди.
 
“Спорт – мамлакатни бутун дунёга танитишда, унинг нуфузини оширишда катта аҳамиятга эга. Шу жумладан, футбол бугунги кунда миллионлар эмас, миллиардлаб инсонларнинг диққат-эътиборида десак, муболаға бўлмайди.
 
Юртимизда футболни, умуман спортни ривожлантиришга ҳукуматимиз томонидан катта эътибор қаратилиб, бу борада муҳтарам Президентимиз Шавкат Мирзиёев раҳнамолигида жуда катта чора-тадбирлар амалга оширилмоқда. 
 
Шу билан бирга кўрсатилаётган эътибор ва яратилаётган шарт-шароитларга яраша спортчиларимиз, хусусан, футболчиларимиз Халқаро майдонларда натижалар кўрсата бошлашди. Бу қувонарли албатта. Аммо эришилган натижалар билан тўхтаб қолмай, олдинга интилишда, янада каттароқ натижалар қайд этиш учун ҳаракат қилишда давом этиш зарур.
 
Ана шу мақсадда Миллий Олимпия қўмитаси президенти ва Ўзбекистон футбол Ассоциацияси 1-вице-президенти Умид Аҳмаджонов икки ташкилотнинг барча ходимларига бир тану бир жон бўлиб, биргаликда ҳаракат қилиш бўйича кўрсатма берди.
 
Эндиликда МОҚ ва ЎФА ҳамкорликда иш олиб бориб, юртимизда футболни, умуман, спортни ривожлантириш йўлида меҳнат қилади.
 
Умид қилиб қоламизки, бу ҳамкорлик самараси сифатида спортчиларимиз, шу жумладан, футболчиларимиз бўлғуси Осиё ўйинлари, Олимпиада ва Жаҳон чемпионатларида юксак натижалар қайд этишади”, дейилади хабарда.
Акмалхон Эшонхонов

Теглар:Ўзбекистон футбол ассоциацияси Миллий Олимпия қўмитаси ЎФА МОҚ 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!