Айни пайтда Қозоғистон пойтахти – Остона шаҳрида кўчалардан бирини Ўзбекистон Республикасининг биринчи Президенти Ислом Каримов номи билан аташ масаласи муҳокама қилинмоқда.
Остона шаҳрининг Тилларни ривожлантириш бошқармаси бошлиғи Тлеугали Кишкашбоев “Казинформ” мухбирига бир ҳафтадан сўнг шаҳар кўчаларидан бирини Ислом Каримов номи билан аташ масаласи кўриб чиқилишини маълум қилган.
“Мазкур масала бир ҳафтадан сўнг кўриб чиқилиши мумкин. Биз Ташқи ишлар вазирлигидан икки мамлакат ўртасида имзоланган халқаро келишувга оид мактуб олдик. “Қобонбой ботир” ва “Турон” шоҳкўчалари кесишувида жойлашган Е-19 кўчасини Ўзбекистон Республикасининг Биринчи Президенти Ислом Каримов шарафига қайта номлаш таклиф қилинмоқда”, дейди Кишкашбоев.
Унинг сўзларига кўра, бу тўғрида қарор шаҳар маслаҳат кенгашида қабул қилиниши мумкин. Шунингдек, ушбу масала юзасидан Остона ҳокимлиги қошидаги жамоатчилик кенгашида жамоатчилик эшитуви ўтказилган.
Шу билан бирга, Тлеугали Кишкашбоев Ўзбекистонда ҳам Қозоғистоннинг кўплаб атоқли вакилларига ҳурмат эҳтиром кўрсатилишини қайд этган. Ва бунга бир неча мисоллар келтирган.
Эслатиб ўтамиз, аввалроқ, Туркманистон Республикаси Туркманобод шаҳридаги марказий кўчалардан бирига Ислом Каримов номи берилган эди. Ушбу кўчада ёдгорлик мажмуаси барпо этилди ва Ислом Каримовнинг бюсти ўрнатилди. Ўзбекистон Республикаси Президенти Шавкат Мирзиёев Туркманистон Республикасига қилган давлат ташрифи доирасида мазкур ёдгорликнинг очилиш маросимида иштирок этди.
“Мазкур масала бир ҳафтадан сўнг кўриб чиқилиши мумкин. Биз Ташқи ишлар вазирлигидан икки мамлакат ўртасида имзоланган халқаро келишувга оид мактуб олдик. “Қобонбой ботир” ва “Турон” шоҳкўчалари кесишувида жойлашган Е-19 кўчасини Ўзбекистон Республикасининг Биринчи Президенти Ислом Каримов шарафига қайта номлаш таклиф қилинмоқда”, дейди Кишкашбоев.
Унинг сўзларига кўра, бу тўғрида қарор шаҳар маслаҳат кенгашида қабул қилиниши мумкин. Шунингдек, ушбу масала юзасидан Остона ҳокимлиги қошидаги жамоатчилик кенгашида жамоатчилик эшитуви ўтказилган.
Шу билан бирга, Тлеугали Кишкашбоев Ўзбекистонда ҳам Қозоғистоннинг кўплаб атоқли вакилларига ҳурмат эҳтиром кўрсатилишини қайд этган. Ва бунга бир неча мисоллар келтирган.
Эслатиб ўтамиз, аввалроқ, Туркманистон Республикаси Туркманобод шаҳридаги марказий кўчалардан бирига Ислом Каримов номи берилган эди. Ушбу кўчада ёдгорлик мажмуаси барпо этилди ва Ислом Каримовнинг бюсти ўрнатилди. Ўзбекистон Республикаси Президенти Шавкат Мирзиёев Туркманистон Республикасига қилган давлат ташрифи доирасида мазкур ёдгорликнинг очилиш маросимида иштирок этди.
Алишер Равшанов
