АҚШ компанияларининг Ўзбекистон бозорида узоқ муддат фаолият юритиши учун қулай шароитлар яратишга алоҳида эътибор қаратилди.
Бугун, 22 октябрь куни Ўзбекистон Республикаси Президенти Шавкат Мирзиёев Ўзбекистонда АҚШ бизнеси ҳафталиги тадбирларида иштирок этиш учун Ўзбекистонга келган Америка – Ўзбекистон савдо палатаси раиси Кэролин Лэмм бошчилигидаги делегацияни қабул қилди.
Давлат раҳбари меҳмонларни самимий қутлар экан, Ўзбекистон ва АҚШ ўртасидаги кўп қиррали ҳамкорлик жадал ривожланиб бораётганини алоҳида мамнуният билан қайд этди. Жорий йил май ойида АҚШга амалга оширилган олий даражадаги ташрифнинг самарали натижалари стратегик шерикликнинг янги даврини бошлаш имконини берди.
АҚШнинг “Дженерал Электрик”, “Боинг”, “СиЭнЭйч Индастриал”, “Джон Дир”, “Ханивелл”, “Силверлиф”, “Уайт энд Кейс” ва бошқа кўплаб компаниялари билан савдо-иқтисодий, инвестиция ва инновация соҳаларидаги ўзаро ҳамкорлик кенгаймоқда.
Бугунги кунда машинасозлик, нефть-газ ва газ-кимё, электр энергетикаси, тўқимачилик ва озиқ-овқат саноати, қишлоқ хўжалиги, соғлиқни сақлаш ва таълим соҳаларини қамраб олган қиймати 5 миллиард доллардан зиёд истиқболли лойиҳалар амалга оширилмоқда.
Жорий йил бошидан Ўзбекистонда АҚШ инвестициялари иштирокида 25 янги корхона ташкил этилди, ўзаро савдо ҳажми икки баробар кўпайди.
Ўзаро манфаатли бизнес ҳамкорликни мустаҳкамлашда таркибига АҚШнинг жаҳонга машҳур 37 та компанияси, инвестиция корпорациялари ва банклари кирган Америка – Ўзбекистон савдо палатаси муҳим роль ўйнаётгани таъкидланди.
Учрашувда иқтисодиётнинг турли тармоқларида амалий ҳамкорликни янада мустаҳкамлаш, аввало, технологиялар соҳасидаги шерикликни ривожлантиришнинг аниқ истиқболлари муҳокама қилинди.
Эришилган келишувлар ва имзоланган битимларни ўз вақтида амалга ошириш, шунингдек, Палатанинг янги аъзоларини жалб этган ҳолда, инвестиция лойиҳаларини тайёрлаш муҳимлиги қайд этилди.
АҚШ компанияларининг Ўзбекистон бозорида узоқ муддат фаолият юритиши учун қулай шароитлар яратишга алоҳида эътибор қаратилди.
Кэролин Лэмм давлат раҳбарига самимий қабул ҳамда Палата аъзоларининг Ўзбекистондаги фаолиятига кўрсатилаётган ҳар томонлама кўмак учун АҚШ ишбилармонлар ҳамжамияти номидан чуқур миннатдорлик билдирди.
Ўзбекистонда барча соҳа ва йўналишларда амалга оширилаётган ислоҳот ва янгиланишлар тадбиркорлик ташаббусларини муваффақиятли рўёбга чиқаришда кенг имкониятлар яратаётгани қайд этилди.
Америка – Ўзбекистон савдо палатаси мамлакатлар ўртасидаги самарали савдо-иқтисодий, инвестициявий ва технологик ҳамкорликни янада кенгайтириш ва мустаҳкамлашда фаол иштирок этишга тайёр экани алоҳида таъкидланди.
Давлат раҳбари меҳмонларни самимий қутлар экан, Ўзбекистон ва АҚШ ўртасидаги кўп қиррали ҳамкорлик жадал ривожланиб бораётганини алоҳида мамнуният билан қайд этди. Жорий йил май ойида АҚШга амалга оширилган олий даражадаги ташрифнинг самарали натижалари стратегик шерикликнинг янги даврини бошлаш имконини берди.
АҚШнинг “Дженерал Электрик”, “Боинг”, “СиЭнЭйч Индастриал”, “Джон Дир”, “Ханивелл”, “Силверлиф”, “Уайт энд Кейс” ва бошқа кўплаб компаниялари билан савдо-иқтисодий, инвестиция ва инновация соҳаларидаги ўзаро ҳамкорлик кенгаймоқда.
Бугунги кунда машинасозлик, нефть-газ ва газ-кимё, электр энергетикаси, тўқимачилик ва озиқ-овқат саноати, қишлоқ хўжалиги, соғлиқни сақлаш ва таълим соҳаларини қамраб олган қиймати 5 миллиард доллардан зиёд истиқболли лойиҳалар амалга оширилмоқда.
Жорий йил бошидан Ўзбекистонда АҚШ инвестициялари иштирокида 25 янги корхона ташкил этилди, ўзаро савдо ҳажми икки баробар кўпайди.
Ўзаро манфаатли бизнес ҳамкорликни мустаҳкамлашда таркибига АҚШнинг жаҳонга машҳур 37 та компанияси, инвестиция корпорациялари ва банклари кирган Америка – Ўзбекистон савдо палатаси муҳим роль ўйнаётгани таъкидланди.
Учрашувда иқтисодиётнинг турли тармоқларида амалий ҳамкорликни янада мустаҳкамлаш, аввало, технологиялар соҳасидаги шерикликни ривожлантиришнинг аниқ истиқболлари муҳокама қилинди.
Эришилган келишувлар ва имзоланган битимларни ўз вақтида амалга ошириш, шунингдек, Палатанинг янги аъзоларини жалб этган ҳолда, инвестиция лойиҳаларини тайёрлаш муҳимлиги қайд этилди.
АҚШ компанияларининг Ўзбекистон бозорида узоқ муддат фаолият юритиши учун қулай шароитлар яратишга алоҳида эътибор қаратилди.
Кэролин Лэмм давлат раҳбарига самимий қабул ҳамда Палата аъзоларининг Ўзбекистондаги фаолиятига кўрсатилаётган ҳар томонлама кўмак учун АҚШ ишбилармонлар ҳамжамияти номидан чуқур миннатдорлик билдирди.
Ўзбекистонда барча соҳа ва йўналишларда амалга оширилаётган ислоҳот ва янгиланишлар тадбиркорлик ташаббусларини муваффақиятли рўёбга чиқаришда кенг имкониятлар яратаётгани қайд этилди.
Америка – Ўзбекистон савдо палатаси мамлакатлар ўртасидаги самарали савдо-иқтисодий, инвестициявий ва технологик ҳамкорликни янада кенгайтириш ва мустаҳкамлашда фаол иштирок этишга тайёр экани алоҳида таъкидланди.
Айюб Мустафо
