...
МЕНЮ
ONLINE TV

Лондонда итлар учун кафе очилади


17:37, 18.04.2016 Олам
 3 108

Мазкур кафеда итлар учун “пиво” ҳам бор.

Буюк Британия пойтахти Лондон шаҳрида кучуклар учун вақтинчалик кафе очилади.  “Bites and Bones” итлар кафеси 27 апрелдан 1 майгача иш олиб боради.  Бу ҳақда “Mashable” хабар берди.
 
Мазкур лойиҳа Pet Pavilion компанияси ва Bluebird ресторани ҳамкорлигида амалга оширилмоқда. Кафе тўрт оёқли меҳмонларга уч турдаги таомларни таклиф қилади. Хусусан,  кучуклар кафеда кийик гўштидан сасиска, товуқ гўшти, малла гуруч ва итлар “пиво”сини татиб кўришлари мумкин.
 
Бундан ташқари,  дискотека ва итлар учун ҳар хил машқлар бўйича маҳорат дарслари ташкил этилади.
 
Маълумот ўрнида, дунёда бу турдаги антиқа кафелар бир нечтани ташкил этади.  Масалан,  АҚШнинг Калифорния штатидаги Силвер-Лейк шаҳрида мамлакатдаги биринчи итлар кафеси очилган. Бундан ташқари, Япониядаги кафелардан бирида ташриф буюрувчиларга типратикан билан гаплашиш таклиф этилади.
Руслан Сулаймонов

Теглар:Буюк Британия Лондон Bites and Bones 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!