Резина қайиқлар Ливия қирғоқларидан чиққанидан сўнг, бир неча соат ўтиб ҳалокатга учраган.
Кеча, 20 июль санасида Ливия қирғоқларидан Италияга йўл олган резина қайиқ бир неча соатдан кейин ҳалокатга учради. Натижада 21 аёл ва бир эркак ҳалок бўлди. Бу ҳақда Medecins Sans Frontieres (MSF) маълум қилди, дея “Reuters” хабар тарқатди.
MSF’га қарашли патрул кемаси Ўртаер денгизида иккита чўкаётган қайиқдаги одамларни қутқариш учун ёрдамга етиб келди ва 209 кишининг ҳаёти сақлаб қолинди, уларнинг 50 нафари болалардир. 22 нафар мигрант эса ўлик ҳолда топилган, дейилади хабарда.
“Нима сабабдан фалокат юз бергани маълум эмас, аммо улар даҳшатли тарзда ўлим топган. Бу фожиадир”, дейди MSF’нинг қидирув ва қутқарув миссияси раҳбари Йонс Паготто.
“Қайиқлардаги ёнилғи сувга аралашган ва унинг ҳиди одамларни беҳуш қилган”, дейди у.
Тирик қолган мигрантларнинг аксарияти Ғарбий Африка мамлакатларидан, жумладан, Нигерия ва Гвинеядан Сицилия оролидаги Трапани портига жума куни етиб бориши кўзда тутилган, лекин…
MSF’га қарашли патрул кемаси Ўртаер денгизида иккита чўкаётган қайиқдаги одамларни қутқариш учун ёрдамга етиб келди ва 209 кишининг ҳаёти сақлаб қолинди, уларнинг 50 нафари болалардир. 22 нафар мигрант эса ўлик ҳолда топилган, дейилади хабарда.
“Нима сабабдан фалокат юз бергани маълум эмас, аммо улар даҳшатли тарзда ўлим топган. Бу фожиадир”, дейди MSF’нинг қидирув ва қутқарув миссияси раҳбари Йонс Паготто.
“Қайиқлардаги ёнилғи сувга аралашган ва унинг ҳиди одамларни беҳуш қилган”, дейди у.
Тирик қолган мигрантларнинг аксарияти Ғарбий Африка мамлакатларидан, жумладан, Нигерия ва Гвинеядан Сицилия оролидаги Трапани портига жума куни етиб бориши кўзда тутилган, лекин…
Маълумотларга қараганда, 2016 йилнинг шу даврига қадар 79 861 мигрант Италия қирғоқларига келган. Ўтган йилнинг шу пайтида бу кўрсаткич 83 119ни ташкил этган. Шулардан, 3000 мигрант Ўртаер денгизида ҳалокат туфайли ҳалок бўлган ёки дом-дараксиз йўқолган.
Руслан Сулаймонов
