Жиззах вилоятида раҳбарларнинг тенг ярми ишдан олинди

Кеча, 4 апрель куни Ўзбекистон Республикаси Бош вазири Абдулла Арипов Жиззах вилоятига ташриф буюрди. Бу ҳақда вилоят ҳокимлиги Ахборот хизмати хабар берди.
 
Ташриф давомида Бош вазир раислигида вилоятнинг Жиззах шаҳар, Бахмал, Дўстлик, Пахтакор, Зарбдор туманларида Халқ депутатлари туман Кенгашларининг навбатдан ташқари сессиялари ўтказилди. Сессияларда ташкилий масалалар кўриб чиқилди.
 
Жумладан:
 
- Жиззах шаҳар ҳокими лавозимида ишлаб келаётган Раҳмонқулов Акром Баҳритдинович ўрнига Шукуров Акбар Сафарович;
 
- Бахмал туман ҳокими бўлиб ишлаб келаётган Сафаров Баҳриддин Ўролович ўрнига Анарбаев Муса Тўраевич;
 
- Дўстлик туман ҳокими бўлиб ишлаб келаётган Қаршибоев Иброҳим Болтабоевич ўрнига Узаков Улуғбек Юлдашевич;
 
- Пахтакор туман ҳокими бўлиб ишлаб келаётган Қушбоқов Нарзулла Ғайбуллаевич ўрнига Бабаев Шукурулло Ҳабибуллаевич;
 
- Зарбдор туман ҳокими бўлиб ишлаб келаётган Анқаев Санақул Жўрақулович ўрнига Қушбоқов Нарзулла Гайбуллаевич;
 
- Зафаробод туман ҳокими вазифасини бажариб келаётган Сайидов Зиядин Ҳамидович ўрнига Дўстлик туман ҳокими бўлиб ишлаб келаётган Қаршибоев Иброҳим Болтабоевич вилоят ҳокими қарорига асосан ҳоким этиб тайинландилар.
 
Шунингдек, Жиззах вилоят ҳокими ўринбосарлари таркибига ҳам ўзгартиришлар киритилди. Жумладан:
 
- вилоят ҳокимининг иқтисодиёт ва тадбиркорлик масалалари бўйича биринчи ўринбосари бўлиб ишлаб келаётган Худайбердиев Алишер Турсунпўлатович ўрнига Маматқулов Ғанишер Абдукаримович;
 
- вилоят ҳокимини ўринбосари, хотин-қизлар қўмитаси раиси лавозимида ишлаб келаётган Тўраева Гулнора Мамадалиевна ўрнига Мухторова Назира Абдусатторовна;
 
- вилоят ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида ишлаб келаётган Жўраев Шуҳрат Хўжамбердиевич ўрнига Раҳмонқулов Акром Баҳритдинович вилоят ҳокими қарорига асосан вилоят ҳокими ўринбосари этиб тайинланди.
 
Маълумот учун, Жиззах вилоятида 12 туман, 1 шаҳар бор.