Кечки овқат пайтида отам Самарқандни набираларига кўрсатиш истаклари борлигини айтдилар ва биз эртаси куниёқ Самарқандга йўл олдик.
Ўзбекистон Республикасининг Биринчи Президенти Ислом Каримовнинг кенжа қизи, “Сен ёлғиз эмассан” Республика жамоатчилик болалар жамғармаси, Республика болалар ижтимоий мослашуви маркази, Ислом Каримов номидаги Республика хайрия жамоат фонди васийлик кенгаши раиси Лола Каримова-Тилляева отаси Самарқандда тушилган оилавий сурат ва у билан боғлиқ хотираларни ёдга олди.
“Баҳорги таътил кунларида болалар билан ота-онамдан хабар олиш учун Тошкентга келган эдик. Наврўз байрами арафаси эди. Отам набираларини кўрганда ҳамиша ниҳоятда қувонар эдилар. Фарзандларим ҳам бобосини катта хурсандчилик ва қий-чув билан кутиб олишар ва остонаданоқ ўз ўйинларига чорлар эдилар.
Шундай дамларда отам “Болали уй бозор, боласиз уй мозор” мақолини такрорлар эдилар.
Кечки овқат пайтида отам Самарқандни набираларига кўрсатиш истаклари борлигини айтдилар ва биз эртаси куниёқ Самарқандга йўл олдик.
Бу жуда ҳам файзли сафар бўлди. Қадимги обидаларни бориб кўрдик, аждодларимиз руҳига ҳурмат бажо айлаб, улар дафн этилган маконларни зиёрат қилдик. Отам кучли хотира эгаси эдилар ва Самарқанд тарихига оид кўпгина қизиқарли воқеаларни бизларга сўзлаб бердилар.
Катта қизим Марямга Регистон майдони тўғрисида батафсил гапириб берганлари, Тиллакори мадрасасининг гўзал безакларини ҳайратда томоша қилганимиз хали ҳам кўз олдимда.
Самарқандга қилган ушбу сафаримиздан икки йилдан сал ошиқ вақт ўтиб, айни шу майдон ва мадраса ёнида отам билан видолашиб, уларни мангу масканларига кузатдик”, деб ёзади Лола Каримова-Тилляева.
Эслатиб ўтамиз, Лола Каримова турмуш ўртоғи ва фарзандлари билан АҚШда истиқомат қилмоқда. Ислом Каримовнинг рафиқаси Татьяна Акбаровна Каримова эса Тошкентда.
Куни кеча Гулнора Каримованинг қизи Имон Каримова ҳам Тошкентга қайтиб келди. Унинг акаси Ислом Каримов ҳамон Англияда яшамоқда. Гулнора Каримова эса Имоннинг айтишича ўз уйида.
“Баҳорги таътил кунларида болалар билан ота-онамдан хабар олиш учун Тошкентга келган эдик. Наврўз байрами арафаси эди. Отам набираларини кўрганда ҳамиша ниҳоятда қувонар эдилар. Фарзандларим ҳам бобосини катта хурсандчилик ва қий-чув билан кутиб олишар ва остонаданоқ ўз ўйинларига чорлар эдилар.
Шундай дамларда отам “Болали уй бозор, боласиз уй мозор” мақолини такрорлар эдилар.
Кечки овқат пайтида отам Самарқандни набираларига кўрсатиш истаклари борлигини айтдилар ва биз эртаси куниёқ Самарқандга йўл олдик.
Бу жуда ҳам файзли сафар бўлди. Қадимги обидаларни бориб кўрдик, аждодларимиз руҳига ҳурмат бажо айлаб, улар дафн этилган маконларни зиёрат қилдик. Отам кучли хотира эгаси эдилар ва Самарқанд тарихига оид кўпгина қизиқарли воқеаларни бизларга сўзлаб бердилар.
Катта қизим Марямга Регистон майдони тўғрисида батафсил гапириб берганлари, Тиллакори мадрасасининг гўзал безакларини ҳайратда томоша қилганимиз хали ҳам кўз олдимда.
Самарқандга қилган ушбу сафаримиздан икки йилдан сал ошиқ вақт ўтиб, айни шу майдон ва мадраса ёнида отам билан видолашиб, уларни мангу масканларига кузатдик”, деб ёзади Лола Каримова-Тилляева.
Эслатиб ўтамиз, Лола Каримова турмуш ўртоғи ва фарзандлари билан АҚШда истиқомат қилмоқда. Ислом Каримовнинг рафиқаси Татьяна Акбаровна Каримова эса Тошкентда.
Куни кеча Гулнора Каримованинг қизи Имон Каримова ҳам Тошкентга қайтиб келди. Унинг акаси Ислом Каримов ҳамон Англияда яшамоқда. Гулнора Каримова эса Имоннинг айтишича ўз уйида.
