Мазкур тақдимот маросими бугун, 30 август куни соат 19:00 да Тошкент шаҳридаги “International” меҳмонхонаси залида бўлиб ўтиши режалаштирилган.
Ислом Каримов номидаги Республика хайрия жамоат фонди Ўзбекистоннинг ЮНЕСКОдаги доимий ваколатхонаси билан ҳамкорликда абрбанди усулидаги тўқувчилик мактабига бағишланган “Ўзбек ипагининг гулгун фасли” деб аталган китобни нашр этди. Бу ҳақда Фонднинг Facebook’даги саҳифасида маълум қилинган.
Бугун, 30 август куни соат 19:00 да Тошкент шаҳридаги “International” меҳмонхонасида китоб тақдимоти ўтказилиши режалаштирилган. Тақдимотда Фонднинг Васийлик Кенгаши раиси — Лола Каримова-Тилляеванинг иштирок этиши кутилмоқда.
Хабарда ўзбек, рус, инглиз ва француз тилларида чоп этилган китоб миллий ипакчилик санъатига бағишлангани ҳамда унда тўқувчилик анъаналари пайдо бўлишидан замонавий ўзбек абрбанди дурдоналарига қадар устачилик санъати тарихи ҳақида сўз бориши айтиб ўтилган.
Аввалроқ, Ўзбекистон Республикасининг Биринчи Президенти Ислом Абдуғаниевич Каримовнинг кенжа қизи, “Сен ёлғиз эмассан” хайрия жамғармаси васийлик кенгаши раиси, Ўзбекистоннинг ЮНЕСКОдаги доимий вакили Лола Каримова-Тилляева Ислом Каримов фондига асос солгани ҳақида хабар берган эдик.
Бундан ташқари, Фонд Абдулла Қодирийнинг “Ўтган кунлар” романини инглиз ва француз тилларига таржима қилиш ҳамда ушбу нодир асарни жаҳон ҳамжамиятига танитишни режалаштиргани ҳақида ҳам маълумот берган эдик.
Бугун, 30 август куни соат 19:00 да Тошкент шаҳридаги “International” меҳмонхонасида китоб тақдимоти ўтказилиши режалаштирилган. Тақдимотда Фонднинг Васийлик Кенгаши раиси — Лола Каримова-Тилляеванинг иштирок этиши кутилмоқда.
Хабарда ўзбек, рус, инглиз ва француз тилларида чоп этилган китоб миллий ипакчилик санъатига бағишлангани ҳамда унда тўқувчилик анъаналари пайдо бўлишидан замонавий ўзбек абрбанди дурдоналарига қадар устачилик санъати тарихи ҳақида сўз бориши айтиб ўтилган.
Аввалроқ, Ўзбекистон Республикасининг Биринчи Президенти Ислом Абдуғаниевич Каримовнинг кенжа қизи, “Сен ёлғиз эмассан” хайрия жамғармаси васийлик кенгаши раиси, Ўзбекистоннинг ЮНЕСКОдаги доимий вакили Лола Каримова-Тилляева Ислом Каримов фондига асос солгани ҳақида хабар берган эдик.
Бундан ташқари, Фонд Абдулла Қодирийнинг “Ўтган кунлар” романини инглиз ва француз тилларига таржима қилиш ҳамда ушбу нодир асарни жаҳон ҳамжамиятига танитишни режалаштиргани ҳақида ҳам маълумот берган эдик.
Зоҳиршоҳ Жўраев
