...
МЕНЮ
ONLINE TV

Хавфсизлик бўйича европалик мутахассис Ўзбекистон Қуролли Кучлари академиясида дарс бермоқда


07:39, 16.11.2018 Жамият
 1 257

Грегори Глисон қўшма назарий машғулотлар доирасида Қуролли Кучлар академияси қўмондонлик-штаб факультети тингловчилари ва профессор-ўқитувчилари учун минтақа ва халқаро хавфсизликка оид долзарб масалалар бўйича машғулотлар ўтказмоқда.

Жорж Маршалл номидаги хавфсизлик масалаларини ўрганиш бўйича Европа маркази ходими профессор Грегори Глисон Ўзбекистон Қуролли Кучлари академиясининг профессор-ўқитувчилари ва илмий ходимлари билан янги “Халқаро хавфсизлик” номли курс устида ҳамкорликда иш олиб бормоқда. Бу ҳақда Ўзбекистон Республикаси Мудофаа вазирлигидан хабар қилинди.
 
Ушбу курс жорий йилнинг декабрь ойида ўтказилиши режалаштирилган.
 
Грегори Глисон қўшма назарий машғулотлар доирасида Қуролли Кучлар академияси қўмондонлик-штаб факультети тингловчилари ва профессор-ўқитувчилари учун минтақа ва халқаро хавфсизликка оид долзарб масалалар бўйича машғулотлар ўтказмоқда.
 
Маълумот ўрнида, Грегори Глисон хавфсизлик масалалари тадқиқоти маркази профессори ҳисобланади, у Калифорния университетида политология бўйича докторлик даражасини олган. Илмий-педагогик фаолиятини Нью-Йорк, Маямива Нью-Мексика университетларида “Политология”, “Давлат бошқаруви ва иқтисод” ҳамда “Халқаро муносабатлар” йўналишида олиб борган.
 
Халқаро муносабатлар ва сиёсий ривожланиш бўйича кўплаб илмий мақолалар муаллифи.
 
Таъкидлаш керакки, Ўзбекистон Қуролли Кучлари академияси АҚШ қуруқликдаги қўшинлари Қўмондонлик-штаб коллежи ҳамда Жорж Маршалл номидаги хавфсизлик масалаларини ўрганиш бўйича Европа маркази билан сўнгги йилда “Ҳарбий таълимни такомиллаштириш” ва “АҚШ Мудофаа вазирлиги маслаҳатчиси” каби дастурларини ишга туширди.

Теглар:Грегори Глисон Қуролли Кучлар академияси 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар