Самолёт чекка ҳудудга олиб ўтилган ва текширувдан ўтказилмоқда.
Американинг Техас штати Хьюстон шаҳридан Франкфуртга парвозга чиққан Германиянинг “Lufthansa” авиакомпаниясига тегишли самолёт бир оз вақт ўтиб Нью-Йоркнинг Жон Кеннеди аэропортига фавқулодда қўнишга мажбур бўлди. Бунга самолёт бортига бомба жойлаштирилганлиги ҳақидаги хабар сабаб бўлган. Бу ҳақда “Pix11.com” сайти маълум қилмоқда.
Airbus A380 самолёти ичида 500 киши бўлган. Айрим манбаларда эса самолёт бортида 530 нафар йўловчи бўлгани айтилмоқда.
Хабарларга қараганда, “Lufthansa” компаниясининг офисларидан бирига номаълум шахс қўнғироқ қилиб, самолётда бомба борлигини айтиб, таҳдид қилган. Шундан сўнг борт учувчиси самолётни яқиндаги аэропортга тезкор қўндиришга қарор қилган.
Авиалайнер Нью-Йоркка қўнгач, йўловчилар хавфсиз ҳудудга кўчирилган. Самолёт ҳам аэропортнинг энг чекка ҳудудига олиб ўтилган. Ҳозирча шубҳали буюм топилмаган бўлса-да, қидирув-суриштирув ишлари давом этмоқда.
Airbus A380 самолёти ичида 500 киши бўлган. Айрим манбаларда эса самолёт бортида 530 нафар йўловчи бўлгани айтилмоқда.
Хабарларга қараганда, “Lufthansa” компаниясининг офисларидан бирига номаълум шахс қўнғироқ қилиб, самолётда бомба борлигини айтиб, таҳдид қилган. Шундан сўнг борт учувчиси самолётни яқиндаги аэропортга тезкор қўндиришга қарор қилган.
Авиалайнер Нью-Йоркка қўнгач, йўловчилар хавфсиз ҳудудга кўчирилган. Самолёт ҳам аэропортнинг энг чекка ҳудудига олиб ўтилган. Ҳозирча шубҳали буюм топилмаган бўлса-да, қидирув-суриштирув ишлари давом этмоқда.
Дурдона Расулова
