Фото+видео: Роналду машғулотларига кечикиб келди ёхуд португалиялик юлдузнинг Туриндаги биринчи куни ҳақида

“Реал” клуби собиқ футболчиси Криштиану Роналду “Ювентус” сафида илк машғулотини ўтказди.
 
Кеча португалиялик футболчининг шахсий самолети Туринга қўнди ва ҳар доимгидек уни тумонат мухлислар кутиб олди.

Кеча эрталаб Роналду жисмоний назоратларни топширди ва мураббийлар шунга қараб, машғулотлар режасини тузди. Машғулот соат 15:00 га (Тошкент вақти билан 18:00) бошланиши керак эди, лекин футболчилар базага кечикиб келди.
 
Криштиану билан машғулотлар залида Игуаин, Дибала, Куадрадо, Дуглас Коста ва Бентанкур шуғулланди. Улар ЖЧда қатнашишгани боис қисқа таътил олишган эди.
 
 
 

 

 
Жамоанинг қолган футболчилари Массимо Аллегри билан International Champions Cup мусобақасида иштирок этиш учун АҚШда бўлиб турибди. Жамоа икки ҳафтадан сўнг Италияга қайтади.
 
Бу вақт мобайнида Аллегрининг биринчи ёрдамчиси Альдо Дольчетти Туриндаги футболчилар билан машғулотларни ўтказади. Улар деярли 30 йилдан бери бирга ишлайдилар. Макс ассистентини АҚШдан Роналдуни кутиб олиш учун Италияга жўнатган.
 
Маълумот учун, 33 ёшли Роналду “Реал”да 9 йил фаолият олиб борди ва шу йилнинг 10 июль куни “Ювентус” футболчисига айланди.
 

 
“Юве” Роналду билан 4 йиллик шартнома имзолади. Унинг йиллик маоши 31 миллион еврони ташкил этади.