“Манчестер Сити” Матбуот хизмати Маруан Феллайни устидан ҳазил қилди.
Англиянинг “Манчестер Сити” клуби Матбуот хизмати “Манчестер Юнайтед” ярим ҳимоячиси Маруан Феллайни устидан ҳазил қилди.
Аниқроғи, “Манчестер Сити” Twitter тармоғидаги расмий саҳифасига, туманда машғулот ўтаётган Лерой Саненинг расмини жойлаштирди ва ушбу расмда ким бор дея савол ёзиб қолдирган.
Ушбу твитга эса бир фойдаланувчи расмда Маруан Феллайни борлигини ёзди.
Матбуот хизмати ходимлари эса: “Йўқ, расмда футболчи тасвирланган”, - дея ёзишди.
Бундан келиб чиқадики, “Манчестер Сити” Матбуот хизмати асосий рақобатчиси ҳисобланмиш “Манчестер Юнайтед” аъзоси Феллайнини ҳатто футболчи дейишга ҳам жазм топмади.
Маълумот учун, “Манчестер Сити” Англия Премьер-Лигасининг 18-туридан сўнг 52 очко жамғариб пешқадам сифатида кетаётган бўлса, “Манчестер Юнайтед” “Сити”дан 11 очко кам тўплаб, иккинчи ўринда бормоқда.
