Эрдўған Мирзиёевни табриклади

Аввалроқ, 21 март – Наврўз байрами муносабати билан Ўзбекистон Республикаси Президенти Шавкат Мирзиёев номига кўплаб давлат ва ҳукумат раҳбарларидан самимий қутловлар келаётгани ҳақида хабар берган эдик.
 
Табрик навбатини биринчилардан бўлиб Хитой Халқ Республикаси Раиси Си Цзиньпин бошлаб берган бўлса, кейинги қутлов Туркия Республикаси Президенти Ражаб Тойиб Эрдўғандан келган.
 
Туркия раҳбари ўз табрик мактубида шундай ёзади:
 
“Ўлкаларимиз ўртасидаги қадим дўстлик, қардошлик, бирдамлик ва ҳамкорликни ўзида мужассам этиб, келажак авлодларга етказган Наврўз байрами муносабати билан Сиз, Жаноби Олийларини ҳамда дўст ва қардош ўзбек халқини турк халқи ва шахсан ўз номимдан энг самимий тилакларим ила табриклайман”, деб ёзади Ражаб Тойиб Эрдўған.
 
Байрам муносабати билан қуйидагилар ҳам Президент Шавкат Мирзиёевга ва Ўзбекистон халқига байрам табрикларини йўллаганлар.
 
Қозоғистон Республикаси Президенти Нурсултон Назарбоев;
 
Қирғизистон Республикаси Президенти Сооранбай Жээнбеков;
 
Тожикистон Республикаси Президенти Имомали Раҳмон;
 
Туркманистон Президенти Гурбангули Бердимуҳамедов;
 
Озарбайжон Республикаси Президенти Илҳом Алиев;
 
Афғонистон Ислом Республикаси Президенти Ашраф Ғани;
 
Саудия Арабистони Подшоҳи Салмон ибн Абдулазиз Ол Сауд;
 
Саудия Арабистони Подшоҳлиги ворис шаҳзодаси, Бош вазирининг ўринбосари, Мудофаа вазири Муҳаммад ибн Салмон Ол Сауд;
 
Индонезия Президенти Жоко Вадодо;
 
Фаластин Президенти Маҳмуд Аббос;
 
БАА вице-президенти, Бош вазири;
 
Дубай амири Муҳаммад ибн Рошид Ол Мактум;
 
Афғонистон ижро ҳукумати раҳбари Абдулла Абдулла;
 
Кавказ мусулмонлари идораси раиси Оллоҳшукур Пошшозода.
 
Ўзбекистон Республикаси Президенти номига Наврўз муносабати билан самимий табриклар келиши давом этмоқда.