Чекувчи ҳамкасбларингизни огоҳлантириб қўйинг, тегажоқлик қилишганда сўзингизда туришингизни исботланг.
Тамаки чекиш одатларининг зарари ва уни ташлаш йўлидаги тавсиялар — “Бу қизиқ” туркумининг бугунги меҳмони.
4-маслаҳат. Тушунчаларингизни ўзгартиринг ва амалиётларингизга содиқ қолинг!
Даставвал, чекишни ташлаш учун “яхши баҳона” топиш керак.
Бунинг учун оқ қоғозга нима учун чекишни ташлашингиз зарурлигини, яъни чекишнинг қандай асоратларидан азият чекаётганингизни ёзиб чиқинг.
Кулгили, бироз эриш туюлиши мумкин. Бироқ кураш — тушунчани ўзгартиришдан бошланади!
Биринчи навбатда тузилган “рўйхатдаги” энг оқилона фикрни афоризм сифатида бирор жойга илиб қўйинг.
Масалан:
4-маслаҳат. Тушунчаларингизни ўзгартиринг ва амалиётларингизга содиқ қолинг!
Даставвал, чекишни ташлаш учун “яхши баҳона” топиш керак.
Бунинг учун оқ қоғозга нима учун чекишни ташлашингиз зарурлигини, яъни чекишнинг қандай асоратларидан азият чекаётганингизни ёзиб чиқинг.
Кулгили, бироз эриш туюлиши мумкин. Бироқ кураш — тушунчани ўзгартиришдан бошланади!
Биринчи навбатда тузилган “рўйхатдаги” энг оқилона фикрни афоризм сифатида бирор жойга илиб қўйинг.
Масалан:
- “Чекиш — менга ёрдам ҳам, таскин ҳам беролмайди! Барча муаммони ўзим ҳал қилишим лозим!”;
- “Сигарета чекиш — бу менинг қатъиятсизлигим, ожизлигим белгиси!”;
- “Ўзингга берган ваъданг ёдингдан чиқдими?!”
ва ҳоказо...
Бу каби “ибораларни” иш столингиз (монитор остига) устига, иш юритиш дафтарингиз сиртига, жоиз бўлса, ҳожатхона эшигининг ички томонига ёзиб ёпиштириб қўйинг.
Иккинчидан, чекишни ташлаш жараёнида чекилган сигарета қолдиқларини бир литрлик банкадаги сувга ташлайверинг.
Вақт ўтгани сари сувнинг ранги қорайиб, ёқимсиз ҳид кучая боради ва унга кўзингиз тушганда танангизда нималар рўй бераётганини тушунгандай бўласиз (фақат болалар қўлига тушмасин!).
Учинчидан, ташлаш жараёнининг сўнгги санасини белгиланг ва ўзўзингизга белгиланган вақт келгунча чекишни камайтириб, оқибатда уни ташлаб юборишингиз ҳақида ваъда беринг.
Ваъда қилинган кун етиб келди ва сиз чекмай қўйдингиз. Иродангизга тасанно!
Энди фавқулотда чекишни бошлаб юбормаслик учун курашишингиз лозим, негаки бу биринчи босқичга нисбатан анча мушкул.
Кишининг иродаси (ваъдаси) вақт ўтгани сари заифлашиши (аҳамиятини йўқотиб бориши) мумкин.
Хумор тутганда нима биландир ўзингизни чалғитинг. Сақич чайнанг, писта чақинг, муҳими, оғзингиз ва қўлларингиз, энг аввало, мия фаолиятингиз банд бўлсин!
Тоза ҳавода айланиб чуқурчуқур нафас олинг. Сўнг душ қабул қилишингиз мумкин. Тезтез тиш ювиб туриш ҳам чекиш хуморини ҳайдайди. Оғзингизни истеъмол содаси эритилган сув билан чайиб туриш ҳам ёрдам беради.
Иккиуч ҳафта чидаб берсангиз бўлди, кейин ўзингиз хумори тутмаётганини сезасиз.
Чекишни эслатадиган кулдон, гугурт ва сигарет қутиларини кўздан нарироққа йўқотганингиз маъқул.
Чекувчи ҳамкасбларингизни огоҳлантириб қўйинг, тегажоқлик қилишганда сўзингизда туришингизни исботланг.
Одатда сигарета учун ишлатадиган пулингизни жамғариб боришингиз, ҳафта ёки ой сўнгида иродангиз бутунлигининг нишонаси сифатида ўзингизга, ёки сизга руҳан ёрдам бериб турган яқинингизга (аёлингизга) совға — керакли уйрўзғор буюми сотиб олишингиз мумкин. Бу сизнинг руҳиятингизни кўтаради.
Азиз муштарий, бундан олдинроқ эътиборингизга ҳавола этилган маслаҳатларда чекиш одатини ташлаш орқали киши йўқотиб бораётган соғлиғини тиклаши мумкинлиги (1-малаҳат), спиртли ичимликлар истеъмоли — кашандаликнинг сояси эканлиги (2-малаҳат), тамаки чекиш одатини тарк этишда ўзингизни турли йўллар билан чалғитишингиз мумкинлиги, чилим орқали чекилган тамаки маҳсулотлари янада зарарлиги эканлиги (3-малаҳат) ҳақида маълумотлар тақдим этган эдик.
Чекиш одатининг зарарли эканлиги ҳақида баён этилаётган маслаҳатларнинг энг охиргисида чекувчилар орттирадиган турли касаллик ва тамаки чекиш ортидан ҳалок бўлган одамлар ҳақида статистик маълумотлар берилади.
Улуғ БЕК
