АҚШ давлат котибининг ўринбосари ўз баёнотида Туркияга огоҳлантириш берган.
Бугун, 26 июнь куни АҚШ Давлат котибининг Европа ва Евроосиё бўйича ўринбосари Уэсс Митчелл Туркия русларнинг С-400 зенит-ракета комплексларини сотиб олса, расмий Вашингтон ва Анқара муносабатларини тиклаш қийин бўлиши ҳақида баёнот берди.
“Биз Туркия С-400 ЗРКни сотиб олса оқибати ёмон бўлиши ҳақида очиқ огоҳлантириш бердик. Унга “Америка душманларига санкция орқали қаршилик кўрсатиш тўғрисида”ги қонун доирасида санкциялар жорий қиламиз”, дейди Митчелл.
Шунингдек, Митчелл “Lockheed-Martin” компанияси Туркияга F-35 қирувчи самолётларини берганига қарамай, расмий Вашингтон бешинчи авлод самолётларини Туркия ҳудудига олиб бориш жараёнини тўхтатиб қўйиши мумкинлигини таъкидлаган.
Маълумот ўрнида, 2017 йил декабрда Туркия ва Россия 2,5 миллиард долларга тенг шартнома имзолаган. Шартномага кўра, Россия Туркияга С-400 ЗРКларини етказиб бериши керак.
Эслатиб ўтамиз, АҚШ аввал ҳам Туркия С-400 ЗРКини сотиб олса, санкция жорий қилиши мумкинлигини таъкидлаган.
“Биз Туркия С-400 ЗРКни сотиб олса оқибати ёмон бўлиши ҳақида очиқ огоҳлантириш бердик. Унга “Америка душманларига санкция орқали қаршилик кўрсатиш тўғрисида”ги қонун доирасида санкциялар жорий қиламиз”, дейди Митчелл.
Шунингдек, Митчелл “Lockheed-Martin” компанияси Туркияга F-35 қирувчи самолётларини берганига қарамай, расмий Вашингтон бешинчи авлод самолётларини Туркия ҳудудига олиб бориш жараёнини тўхтатиб қўйиши мумкинлигини таъкидлаган.
Маълумот ўрнида, 2017 йил декабрда Туркия ва Россия 2,5 миллиард долларга тенг шартнома имзолаган. Шартномага кўра, Россия Туркияга С-400 ЗРКларини етказиб бериши керак.
Эслатиб ўтамиз, АҚШ аввал ҳам Туркия С-400 ЗРКини сотиб олса, санкция жорий қилиши мумкинлигини таъкидлаган.
Суннатилла Абдуллаев
