АПЛ. “Лондон дерби”сида меҳмонларнинг қўли баланд келди

Бугун, 29 декабрь куни Англия чемпионатининг 20-турига якун ясалди. Турнинг сўнгги ўйини “Кристал Пэлас” ҳамда “Арсенал” жамоалари ўртасида кечди. Унда 2:3 ҳисоби қайд этилиб, меҳмонлар ғалаба қозонишди.
 
Учрашувнинг 25-дақиқасида Шкодран Мустафи меҳмонларни олдинга олиб чиққан бўлса, иккинчи бўлим бошида Эндрос Таунсенд ўртадаги мувозанатни тиклашга эришди.
 
Иккинчи бўлим ўрталарига келиб Алексис Санчес “бургутлар” дарвозасини кетма-кет икки бор ўққа тутди ва дубль қайд этишга эришди.


 
Асосий вақтнинг сўнгги дақиқаларида мезбонлар Жеймс Томкинснинг голидан сўнг ҳисобни бироз қисқартиришга муваффақ бўлдилар.
 
Шу тариқа, “Арсенал” ушбу ғалабадан сўнг очколари сонини 37тага етказиб олди ва турнир жадвалининг олтинчи поғонасидан жой олиб турибди.
 
Англия Премьер-Лигаси 20-тур.


 
“Кристал Пэлас” – “Арсенал” 2:3.
Голлар: Таунсенд (49), Томкинс (89) - Мустафи (25), Санчес (62, 66).
 
“Кристал Пэлас”: Сперони, Дэнн, Томкинс, Келли (Фосу-Менса, 80), Шлупп, Миливоевич, Кабай (Макартур, 53), Заа, Таунсенд, Лофтус-Чик (Сако, 70), Бентеке.
 
“Арсенал”: Чех, Косьельни, Мустафи, Колашинац, Чемберс, Ўзил, Жака (Мэйтленд-Найлз, 87), Санчес, Уилшер, Бельерин, Ляказетт (Коклен, 75).
 
Огоҳлантиришлар: Чемберс (29), Заа (45).