...
МЕНЮ
ONLINE TV

Алессандро Сафина, Рафет Эл Роман, Надежда Бабкина “Шарқ тароналари”да иштирок этади


12:27, 28.08.2017 Жамият
 4 041

Фестиваль очилиш маросимида Ўзбекистон Республикаси Президенти Шавкат Мирзиёев, Ҳукумат аъзолари, элчихона ва консуллик вакиллари, давлат ва жамоат арбоблари иштирок этадилар.

Жорий йилнинг 25 августидан Самарқандда XI “Шарқ тароналари” халқаро мусиқа фестивали ўз ишини бошлади. Айни дамда бутун дунё маданият ва санъат олами вакилларининг нигоҳи тарихий ва кўҳна шаҳар – Самарқандга қаратилган.
 
Бугун, 28 август куни фестивалнинг расмий очилиш маросими бўлиб ўтади. Унда Ўзбекистон Республикаси Президенти Шавкат Мирзиёев, Ҳукумат аъзолари,  элчихона ва консуллик вакиллари, давлат ва жамоат арбоблари иштирок этадилар.
 
Анча йиллардан буён расмий тадбирларда кўриниш бермаётган Ўзбекистон халқ артистлари Шерали Жўраев, Фаррух Зокиров, Юлдуз Усмонова ҳам фестиваль очилиш маросими концерт дастурида чиқиш қилиши режалаштирилган.
 
Бу йилги “Шарқ тароналари” қамрови ва нуфузи билан ўтган йилдагиларидан фарқ қилмоқда. Очилиш маросими ҳақиқий шоуга айланиши тайин. Унда дунёнинг энг кўзга кўринган тўрт нафар юлдузи иштирок этиб, қўшиқ куйлайди.
 
Дастурда италиялик опера ва эстрада хонандаси Алессандро Сафина, туркиялик таниқли хонанда Рафет Эл Роман, Россия халқ артисти Надежда Бабкина, беларуслик Владимир Громов қўшиқ куйлайдилар. 

Теглар:Алессандро Сафина Рафет Эл Роман Надежда Бабкина Юлдуз Усмонова Фаррух Зокиров Шерали Жўраев Шарқ тароналари 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар