
Янги ташкил этилган вазирликка раҳбар этиб аёл киши тайинланди.
Тошкент ахборот технологиялари касб-ҳунар коллежи директори, сенатор Агрепина Васильевна Шин янги ташкил этилган Мактабгача таълим вазирлигининг раҳбари этиб тайинланган.
Халқ таълими вазирининг биринчи ўринбосари лавозимида фаолият юритган Собитхон Тошпўлатович Турғунов вазир ўринбосари этиб тайинланган.
Маълумот учун, Мактабга таълим вазирлиги Шавкат Мирзиёевнинг 30 сентябрдаги “Мактабгача таълим тизими бошқарувини тубдан такомиллаштириш чора-тадбирлари тўғрисида”ги фармони ҳамда “Ўзбекистон Республикаси Мактабгача таълим вазирлиги фаолиятини ташкил этиш тўғрисида”ги қарори асосида ташкил этилган эди.