...
МЕНЮ
ONLINE TV

73 кишини чув туширган фирибгар 9 йил озодликдан маҳрум қилинди


15:22, 04.12.2018 Жамият
 3 425

14 нафар жабрланувчи уларга етказилган 1 миллиард 749 миллион сўм моддий зарардан ихтиёрий воз кечган.

Аввалроқ, “Фарғона автосавдо” масъулияти чекланган жамиятининг омбор мудири вазифасида ишлаган Илҳом Телябаевни содир этган жинояти бўйича суд жараёни бошланганлиги ҳақида хабар берган эдик.
 
Жиноят ишлари бўйича Сўх тумани судининг 2018 йил 3 декабрдаги ҳукмига кўра, Илҳом Телябаев алдаш ва ишончни суиистеъмол қилиш йўли билан жуда кўп миқдордаги ўзганинг мулкини қўлга киритганликда Ўзбекистон Республикаси Жиноят Кодекси 168-моддаси 4-қисмининг “а” банди билан айбдор деб топилиб, тўққиз йил муддатга озодликдан маҳрум этиш жазоси тайинланди.
 
Суднинг ҳукмига кўра, Илҳом Телябаев “Фарғона автосавдо” масъулияти чекланган жамиятида омбор мудири вазифасида ишлаб келгани ҳолда хизмат вазифаларига жамият томонидан сотилаётган автомашиналар учун тўловларни қабул қилиш ва автомашиналар савдоси билан шуғулланиш кирмаса-да, олдиндан жиноий режа тузган. У асосан жабрланувчилар билан шахсий ёки қариндош-уруғлик муносабатларидан фойдаланиб, улардан нақд пул шаклида автомашиналар учун тўловларни қабул қилиб олиб, айримларига автомашина сотиб олиб бериш, айримларига фойдаси билан пулларини қайтариб бериш орқали бошқа шахсларнинг ишончига кирди. 2017 йил июль ойидан 2018 йил май ойига қадар жами 71 нафар жабрланувчиларнинг 9 миллиард 329 миллион сўмдан ортиқ пуллари ва мулкларини такроран, алдаш ёки ишончни суиистеъмол қилиш йўли билан қўлга киритиш жиноятларини қасддан содир этган.
 
Иш бўйича 14 нафар жабрланувчилар томонидан уларга етказилган 1 миллиард 749 миллион сўм моддий зарардан ихтиёрий воз кечилган бўлиб, қолган жабрланувчиларга етказилган 7 миллиард 579 миллион сўм моддий зарарни судланувчидан ундириш белгиланди.
 
Суд жиноятларни содир этилиши сабаблари ва шарт-шароитларини бартараф этиш юзасидан “Ўзавтосаноат” акциядорлик жамиятига хусусий ажрим билан муносабат билдирди.
Суннатилла Абдуллаев

Теглар:Сўх тумани Фарғона автосавдо 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар