Ўзбекистон клубларисиз ўтаётган ОЧЛда чорак финал ўйинлари бўлиб ўтмоқда

ОЧЛнинг чорак финал ўйинлари “Ғарбий” ва “Шарқий” минтақа бўйича давом этмоқда.
 
Ғарбий минтақанинг дастлабки ўйинида Эроннинг “Персеполис” клуби ўз майдонида Қатарнинг “Ал-Дуҳаил” клубини қабул қилиб, 3:1 ҳисобида ғалаба қозонди. Дастлабки ўйинда 0:1 ҳисоби қайд этилгани боис, эронликлар яримфиналга йўл олишди.
 
Қайд этиш лозимки, “Персеполис” гуруҳ босқичида “Насаф” билан, “Ал-Дуҳаил” эса “Локомотив” билан куч синашган эди.
 
Ушбу минтақанинг иккинчи ўйини эса Қатарнинг “Ал-Садд” ҳамда Эроннинг “Истиқлол” жамоалари ўртасида кечди. Доҳада ўтган ўйинда кучлар тенг келди – 2:2. Теҳронда  ўтган дастлабки қарама-қаршиликда 1:3 ҳисобида зафар қучган “Ал-Садд” жамоасини мазкур  баҳсдаги дурранг натижа ҳам қаноатлантирди. Шу тариқа, “Насаф”  билан гуруҳ босқичида тўқнаш келган “Ал-Садд” иккинчи ярим финалчига айланди.
 
Шарқий минтақадаги ўйинлар эса бугун ва эртага бўлиб ўтади.
 

Ғарбий ҳудуд (17 сентябрь):

Персеполис (Эрон) – Ал-Дуҳаил (Қатар) – 3:1
Голлар: Ҳусайний (57), Ал-Бурайк (76 автогол), Менша (78) - Будиаф (33)
Дастлабки ўйин: 0:1
Ас-Садд (Қатар) - Истиқлол (Эрон) – 2:2
Голлар: Афиф (27), Бунеджаҳ (90+2 пен) – Бақирий (32), Табризий (49)
Четлатиш: Чашмий (50, Истиқлол)
Дастлабки ўйин: 3:1
Шарқий ҳудуд (18 сентябрь):

Тяньцзин Цюанзян (Хитой) – Кашима Антлерс (Япония) 
Дастлабки ўйин: 0:2
19 сентябрь
Сувон Самсунг Блюуингз (Жанубий Корея) – Чонбук Моторс (Жанубий Корея)
Дастлабки ўйин: 3:0