“Реал” Бэйлнинг бир марта майдонга тушиши учун қанча тўлайди?

Мадриднинг “Реал” клуби юлдузи Гарет Бейлнинг яна жароҳат олиб, бир ойга майдонга тушолмаслиги маълум бўлгач, "Қироллик клуби"нинг сабр косаси тўлди. Ундан қутули чорасини изламоқда", деб ёзади Испания нашрлари.
 
Катта эҳтимол билан Бейл қишдаёқ бошқа клубга трансфер қилиниши мумкин.
 
Айни пайтда буни истовчилар кундан-кунга ортмоқда. Испаниялик иқтисодчилар эса, Бейлнинг "Реал"га келтираётганини зиёнини ҳисоблаб чиқишди.
 
Гарет Бейлни ўз таркибларига қўшиб олиш учун Мадрид клуби "Сити"га 100, 7 миллион евро берганди.
 
Футболчи  бундан ташқари, шу кунгача "Қироллик клуби"ни 68 миллион еврога туширди. Чунки унинг йиллик маоши 19 миллион евро.
 
“Реал Мадрид”нинг йиллик сарф-харажати 168, 7 миллион евро. Гарет “Реал” либосида бор-йўғи 159 та ўйинда майдонга тушди. Демак, ҳар бир майдонга тушганига Гарет 1,06 миллион евро ишлаган.
 
У шунча учрашувда атиги 68та гол урди. Демак, ҳар бир голига  2,47 миллион евродан тўланган.
 
Бундай  кам фойда келтирувчи, аммо кўп пул олувчи футболчи кимга ҳам керак?
 
Аммо қишги трансфер ойнаси очилиши биланоқ, Бейлни ўз шогидлари қаторида кўришни истовчи мураббийлар кўпчиликни ташкил этади.
 
Улардан бири эса “Манчестер Юнайтед” бош мураббийи Жозе Моуриньо бўлиб турибди.
 
Катта эҳтимолларга кўра, уэльслик футболчи қишда Испанияни тарк этиб, яна “туманли альбион”га қайтади.
 
Маълумот учун, Гарет Бэйл 2013 йил Англиянинг “Тоттенхэм” клубидан 100 миллион евро эвазига “Реал”га кўчиб ўтганди.