“Оила” илмий-амалий тадқиқот марказига раҳбарлар тайинланди

Вазирлар Маҳкамаси ҳузуридаги “Оила” илмий-амалий тадқиқот марказига раҳбарлар тайинланди. Бу ҳақда Telegram’даги “Ҳуқуқий ахборот” каналида хабар қилинди.
 
Дилорам Ғофурджоновна Ташмухамедова Тадқиқот маркази директори, Дилдора Мирсобитовна Каримова ва Дилбар Мағрибжоновна Олимжонова ушбу марказ директор ўринбосари лавозимига тайинланди.
 
Эслатиб ўтамиз, “Оила” маркази оила институтини мустаҳкамлаш ва ривожлантириш, жамиятда замонавий намунали оила мезонларини жорий этиш соҳасида ягона давлат сиёсатини амалга оширишга қаратилган фундаментал, амалий ва инновацион тадқиқотларни ташкил этиш ва ўтказиш соҳасида республиканинг етакчи илмий-тадқиқот эксперт муассасаси ҳисобланади.