“Бўзсув” каналидан топилган жасаднинг қотили аниқланди

Тошкент вилоятининг Қибрай туманида 2018 йил 18 январда Қибрай шаҳарчаси ҳудудидан оқиб ўтувчи “Бўзсув” каналининг “Каскад” ГЭСга қарашли 11-сонли тўғонидан европа миллатига мансуб, 50-60 ёшлардаги номаълум аёлнинг кўкрак ва биқин қисмига ўткир тиғли жисм билан жароҳат етказилган ҳолдаги жасади топилган эди.
 


Кўрилган чоралар натижасида, ушбу жиноятни яшаш ва ишлаш жойининг тайини бўлмаган, муқаддам судланган, 1977 йилда туғилган Геннадий Короченцев маст ҳолда содир этганлиги аниқланиб қўлга олинган, дея хабар берди ИИВ жамоатчилик ва оммавий ахборот воситалари билан алоқалар бошқармаси.