Билл Клинтон рафиқасига таъсир этмаслиги учун, Оқ уйда бўладиган учрашув ва мажлисларга чақирилмайди.
АҚШнинг Демократлар партиясининг мамлакат президентлигига номзоди, собиқ давлат котиби Ҳиллари Клинтон сайловларда ғалаба қозонган тақдирда, унинг турмуш ўртоғи Билл Клинтон Оқ уйдаги учрашув ва мажлисларга ташриф буюра олмайди. Бундан ташқари, у рафиқасининг қарор қабул қилишига таъсир этиш имкониятларидан маҳрум этилади. Бу ҳақда “The New York Times” хабар тарқатди.
Нашрнинг ёзишича, АҚШнинг собиқ президенти Билл Клинтон энди Оқ уйдаги ҳукумат аъзолари мажлисларига чақирилмайди. Шунингдек, унга давлат раҳбарининг Овал офиси жойлашган бинонинг (Оқ уйнинг) ғарбий қисмида ишлаш учун хона берилмайди.
“Ҳозирги ва собиқ президентлар орасидаги ўзаро муносабатлар жуда нозик масаладир”, дейди АҚШнинг бир неча президентлари маслаҳатчиси бўлиб ишлаган Дэвид Жерген.
Унинг фикрича, Клинтон ўз рафиқасига таъсир этиш орқали, президентлик давридаги тарихни қайта ёзишни истаб қолиши мумкин.
Маълумот ўрнида, Билл Клинтон АҚШнинг 42-президенти ҳисобланади. У 1993 йилдан 2001 йилгача давлатни бошқарган. Билл ва Ҳиллари Клинтон 1975 йилда турмуш қуришган. Уларнинг 1980 йилда туғилган қизи (Челси Клинтон) бор.
Нашрнинг ёзишича, АҚШнинг собиқ президенти Билл Клинтон энди Оқ уйдаги ҳукумат аъзолари мажлисларига чақирилмайди. Шунингдек, унга давлат раҳбарининг Овал офиси жойлашган бинонинг (Оқ уйнинг) ғарбий қисмида ишлаш учун хона берилмайди.
“Ҳозирги ва собиқ президентлар орасидаги ўзаро муносабатлар жуда нозик масаладир”, дейди АҚШнинг бир неча президентлари маслаҳатчиси бўлиб ишлаган Дэвид Жерген.
Унинг фикрича, Клинтон ўз рафиқасига таъсир этиш орқали, президентлик давридаги тарихни қайта ёзишни истаб қолиши мумкин.
Маълумот ўрнида, Билл Клинтон АҚШнинг 42-президенти ҳисобланади. У 1993 йилдан 2001 йилгача давлатни бошқарган. Билл ва Ҳиллари Клинтон 1975 йилда турмуш қуришган. Уларнинг 1980 йилда туғилган қизи (Челси Клинтон) бор.
Руслан Сулаймонов
