Шавкат Мирзиёев Туркия иқтисодиёт вазири Нихат Зейбекчини қабул қилди.
Ўзбекистон ва Туркия муносабатлари бугунги кунда ўзининг самарали ривожланиш йўли халқаро экспертларнинг юқори баҳосига сабаб бўлмоқда.
Икки мамлакат ўртасидаги ўзаро ташрифлар ва делегациялар иши юқори натижаларга қисқа муддатларда эришишга имконият яратмоқда.
Ўзбекистон Республикаси Президенти Шавкат Мирзиёев “Марказий Осиё: Ягона тарих ва умумий келажак, барқарор ривожланиш ва тараққиёт йўлидаги ҳамкорлик” мавзуидаги халқаро анжжуманда иштирок этган Туркия иқтисодиёт вазири Нихат Зейбекчини қабул қилди.
Туркиялик вазир билан учрашувда шу йил 25–26 октябрь кунлари Ўзбекистон Президентининг Туркия Республикасига давлат ташрифи доирасида савдо-иқтисодий, инвестициявий ва молиявий ҳамкорлик соҳаларида эришилган келишувларни амалга ошириш масалалари муҳокама қилингани хабар қилинди.
Туркиянинг етакчи компаниялари ва банкларининг тўғридан тўғри инвестицияларини жалб қилган ҳолда, энергетика ва транспорт инфратузилмасини модернизация қилиш, туризм тармоғини ривожлантириш, шунингдек, замонавий саноат корхоналари ва логистика марказлари барпо этиш бўйича аниқ лойиҳаларни амалга оширишга алоҳида эътибор қаратилгани таъкидланди.
Нихат Зейбекчи Президент Шавкат Мирзиёевга Туркия Президенти Ражаб Тойиб Эрдўғаннинг самимий саломи ва энг эзгу тилакларини етказиб, Туркия олий даражада эришилган келишувлар ва имзоланган битимлар тўла амалга оширилишининг қатъий тарафдори эканини таъкидлади.
Аввалроқ, Ўзбекистон Республикаси Президенти Шавкат Мирзиёев Самарқандда Марказий Осиёда хавфсизлик ва барқарор ривожланишни таъминлашга бағишланган халқаро анжуманда иштирок этгани ҳақида хабар берган эдик.
Айрим маълумотларга кўра, Иқтисодиёт вазири Туркия ташқи ишлар вазири Мавлуд Чавушўғлининг ўрнига Ўзбекистонга ташриф буюрган. Туркия ташқи ишлар идораси раҳбари Туркия ва АҚШ ўртасидаги “виза инқирози”ни бартараф этиш учун АҚШга йўл олган турк делегацияси таркибига киритилган. Бинали Йилдиримга ҳамроҳ сифатида Вашингтонга йўл олган.
Икки мамлакат ўртасидаги ўзаро ташрифлар ва делегациялар иши юқори натижаларга қисқа муддатларда эришишга имконият яратмоқда.
Ўзбекистон Республикаси Президенти Шавкат Мирзиёев “Марказий Осиё: Ягона тарих ва умумий келажак, барқарор ривожланиш ва тараққиёт йўлидаги ҳамкорлик” мавзуидаги халқаро анжжуманда иштирок этган Туркия иқтисодиёт вазири Нихат Зейбекчини қабул қилди.
Туркиялик вазир билан учрашувда шу йил 25–26 октябрь кунлари Ўзбекистон Президентининг Туркия Республикасига давлат ташрифи доирасида савдо-иқтисодий, инвестициявий ва молиявий ҳамкорлик соҳаларида эришилган келишувларни амалга ошириш масалалари муҳокама қилингани хабар қилинди.
Туркиянинг етакчи компаниялари ва банкларининг тўғридан тўғри инвестицияларини жалб қилган ҳолда, энергетика ва транспорт инфратузилмасини модернизация қилиш, туризм тармоғини ривожлантириш, шунингдек, замонавий саноат корхоналари ва логистика марказлари барпо этиш бўйича аниқ лойиҳаларни амалга оширишга алоҳида эътибор қаратилгани таъкидланди.
Нихат Зейбекчи Президент Шавкат Мирзиёевга Туркия Президенти Ражаб Тойиб Эрдўғаннинг самимий саломи ва энг эзгу тилакларини етказиб, Туркия олий даражада эришилган келишувлар ва имзоланган битимлар тўла амалга оширилишининг қатъий тарафдори эканини таъкидлади.
Аввалроқ, Ўзбекистон Республикаси Президенти Шавкат Мирзиёев Самарқандда Марказий Осиёда хавфсизлик ва барқарор ривожланишни таъминлашга бағишланган халқаро анжуманда иштирок этгани ҳақида хабар берган эдик.
Айрим маълумотларга кўра, Иқтисодиёт вазири Туркия ташқи ишлар вазири Мавлуд Чавушўғлининг ўрнига Ўзбекистонга ташриф буюрган. Туркия ташқи ишлар идораси раҳбари Туркия ва АҚШ ўртасидаги “виза инқирози”ни бартараф этиш учун АҚШга йўл олган турк делегацияси таркибига киритилган. Бинали Йилдиримга ҳамроҳ сифатида Вашингтонга йўл олган.
Зоҳиршоҳ Жўраев
