Бундан аввалги таклифларга Дэниел Крейг рад жавобини бериб, “Бондианага қайтгандан кўра қўлимни кесиб ташлайман”, деган эди.
Жеймс Бонд ролини тўрт марта ижро этган Голливуд актёри Дэниел Крэйг шу йилнинг май ойида энди Бонд ролини ўйнамаслигини маълум қилганди. “Бондианага қайтгандан кўра қўлимни кесиб ташлайман”, дейишига қарамай, кинокомпания актёрга 100 миллион АҚШ долларини таклиф қилиб, уни фильмга қайтармоқчи бўлди. Актёр ўшанда ҳам рад жавобини берди. Орадан бир неча ой ўтиб, Sony компанияси фильмнинг кейинги қисмларидаги Жеймс Бонд роли учун кастинг эълон қилди. Бироқ номзодлардан кўнгли тўлмагани учунми, компания Дэниелни фильмга қайтишга яна бир бор уриниб кўриш истагида эканини билдирди. Бу сафар компания актёрга 150 миллион АҚШ долларини таклиф қилмоқда. Бу ҳақда “Starslife.ru” нашри хабар берди.
Кинокомпаниянинг актёрни ўз ролини ўйнашга кўндиришга бу қадар киришгани бежиз эмас. Дэниел Крэйгнинг Бонд образини маҳорат билан ижро этган ва унинг ижросидаги фильмнинг тўртта қисми ҳам муваффақият қозонган. Бондни айнан Крэйг ўйнаши кераклигини ва усиз фильмнинг кассабоп бўлиши даргумон эканини кино олами вакиллари ҳам, томошабинлар ҳам жуда яхши билишади.
Агар Крэйгни кўндиришга муваффақ бўлса, кинокомпания унинг иштирокида бир эмас бирваракайига икки фильмни суратга олмоқчи. Режиссёрлар Бонд ҳақидаги айнан ушбу икки фильмдан сўнггина эстафетани бошқа актёрга бериш ва у билан “Бонднинг янги эраси”ни суратга олишни режа қилишмоқда. Ҳозирча Крэйг компаниянинг таклифига ҳеч қандай фикр билдирмади.
Кинокомпаниянинг актёрни ўз ролини ўйнашга кўндиришга бу қадар киришгани бежиз эмас. Дэниел Крэйгнинг Бонд образини маҳорат билан ижро этган ва унинг ижросидаги фильмнинг тўртта қисми ҳам муваффақият қозонган. Бондни айнан Крэйг ўйнаши кераклигини ва усиз фильмнинг кассабоп бўлиши даргумон эканини кино олами вакиллари ҳам, томошабинлар ҳам жуда яхши билишади.
Агар Крэйгни кўндиришга муваффақ бўлса, кинокомпания унинг иштирокида бир эмас бирваракайига икки фильмни суратга олмоқчи. Режиссёрлар Бонд ҳақидаги айнан ушбу икки фильмдан сўнггина эстафетани бошқа актёрга бериш ва у билан “Бонднинг янги эраси”ни суратга олишни режа қилишмоқда. Ҳозирча Крэйг компаниянинг таклифига ҳеч қандай фикр билдирмади.
Умида Якубова
