Шаҳзода Гарри актриса Меган Маркл билан турмуш қурди

Бугун, 19 май куни Виндзор қасрида узоқ вақтдан бери кутилаётган Буюк Британия шаҳзодаси Гарри ва америкалик актриса Меган Марклнинг тўйлари бўлиб ўтди. Бу ҳақда “The Guardian” хабар берди.
 
Маросимга 2600 нафар меҳмон ташриф буюрган. Улар орасида қўшиқчи Элтон Жон, америкалик телебошловчи Опра Уинфри, теннисчи Серена Уильямс, актер Жорж Клуни, Виктория ва футболчи Дэвид Бекхэмлар ҳам кўриниш берди.










 
19 май тонгда Британия қироличаси Елизавета II шаҳзода Гаррига Сассекс герцоги унвонини берди. Шундай қилиб, Маркл никоҳдан сўнг герцогиняга айланди. Актриса кино оламидаги фаолиятидан воз кечмоқчи.
 
Аввалроқ, шаҳзода Гарри ва актриса Меган Марклнинг тўйи Британия иқтисодига 680 миллион доллар фойда келтириши мумкинлиги ҳақида хабар берган эдик.