Давлат раҳбарлари халқаро ва минтақавий сиёсатнинг долзарб масалалари юзасидан ҳам фикр алмашди.
Ўзбекистон Республикаси Президенти Шавкат Мирзиёев ва Тожикистон Республикаси Президенти Имомали Раҳмоннинг Кўксарой қароргоҳида тор доирадаги учрашувлари бошланди.
Президент Шавкат Мирзиёев Имомали Раҳмонни Ўзбекистонга ташрифи билан қутлаб, икки давлат ўртасида сиёсий ишонч даражаси ошгани, узоқ йиллик долзарб масалалар қисқа муддатларда ҳал этилганини таъкидлади.
“Биз Сизнинг илк давлат ташрифингизга Ўзбекистон-Тожикистон муносабатларининг янги тарихидаги муҳим сиёсий воқеа сифатида қараймиз. Бу томонларнинг ўзаро манфаатли ҳамкорликни дўстлик, яхши қўшнилик ва манфаатдорлик тамойиллари асосида янада кенгайтиришга интилиши қатъий эканидан далолат. Бугун мамлакатларимизнинг савдо-иқтисодиёт ва транспорт-коммуникация салоҳиятини тўлиқ рўёбга чиқариш, маданий-гуманитар алоқаларни фаоллаштириш борасида улкан имкониятлар очилмоқда. Бу ташриф ҳақиқатан ҳам тарихий бўлиши, келишувларимиз узоқ йиллар халқларимизга хизмат қилишини истаймиз”, деди Шавкат Мирзиёев.
Президент Имомали Раҳмон Ўзбекистонга таклиф ва самимий қабул учун миннатдорлик билдириб, ушбу учрашув ҳамкорликнинг бугунги ҳолати ва истиқболларини муҳокама қилиш учун қулай имконият эканини қайд этди.
“Сизнинг жорий йил март ойида Тожикистонга давлат ташрифингизни мамнуният билан эслайман. У мамлакатларимиз муносабатларини қайта тиклаб, турли соҳалардаги ҳамкорликка кучли туртки бўлди. Самарали ташқи сиёсатингиз туфайли Ўзбекистоннинг халқаро ҳамжамиятдаги рейтинги ошиб бормоқда. Мамлакатингиз, одамлар ҳаётида ҳам катта ўзгаришлар бўлмоқда. Бу давлат ташрифим халқларимиз учун жуда муҳим”, деди Имомали Раҳмон.
Икки мамлакат раҳбарларининг сиёсий иродаси ва саъй-ҳаракатлари туфайли давлатлараро муносабатлар мустаҳкамланди. Шавкат Мирзиёев ва Имомали Раҳмон халқаро форумлар доирасида учрашиб, телефон орқали тез-тез мулоқот қилиб, мамлакатларимиз ўртасидаги алоқаларни изчил ривожлантириб келмоқда.
Музокараларда сиёсий, савдо-иқтисодий, инвестициявий, транспорт-коммуникация, энергетика, қишлоқ ва сув хўжалиги, туризм ва бошқа соҳалардаги ҳамкорликни кенгайтириш, одамлар учун қулайликларни ошириш масалалари муҳокама этилди. Бу борадаги қўшимча имкониятларни ишга солишга, ҳудудлар, йирик корхоналар ва тадбиркорлар ўртасидаги алоқаларни мустаҳкамлашга, маданий-гуманитар алмашинувларни фаоллаштиришга келишиб олинди.
Давлат раҳбарлари халқаро ва минтақавий сиёсатнинг долзарб масалалари юзасидан ҳам фикр алмашди.
Президент Шавкат Мирзиёев Имомали Раҳмонни Ўзбекистонга ташрифи билан қутлаб, икки давлат ўртасида сиёсий ишонч даражаси ошгани, узоқ йиллик долзарб масалалар қисқа муддатларда ҳал этилганини таъкидлади.
“Биз Сизнинг илк давлат ташрифингизга Ўзбекистон-Тожикистон муносабатларининг янги тарихидаги муҳим сиёсий воқеа сифатида қараймиз. Бу томонларнинг ўзаро манфаатли ҳамкорликни дўстлик, яхши қўшнилик ва манфаатдорлик тамойиллари асосида янада кенгайтиришга интилиши қатъий эканидан далолат. Бугун мамлакатларимизнинг савдо-иқтисодиёт ва транспорт-коммуникация салоҳиятини тўлиқ рўёбга чиқариш, маданий-гуманитар алоқаларни фаоллаштириш борасида улкан имкониятлар очилмоқда. Бу ташриф ҳақиқатан ҳам тарихий бўлиши, келишувларимиз узоқ йиллар халқларимизга хизмат қилишини истаймиз”, деди Шавкат Мирзиёев.
Президент Имомали Раҳмон Ўзбекистонга таклиф ва самимий қабул учун миннатдорлик билдириб, ушбу учрашув ҳамкорликнинг бугунги ҳолати ва истиқболларини муҳокама қилиш учун қулай имконият эканини қайд этди.
“Сизнинг жорий йил март ойида Тожикистонга давлат ташрифингизни мамнуният билан эслайман. У мамлакатларимиз муносабатларини қайта тиклаб, турли соҳалардаги ҳамкорликка кучли туртки бўлди. Самарали ташқи сиёсатингиз туфайли Ўзбекистоннинг халқаро ҳамжамиятдаги рейтинги ошиб бормоқда. Мамлакатингиз, одамлар ҳаётида ҳам катта ўзгаришлар бўлмоқда. Бу давлат ташрифим халқларимиз учун жуда муҳим”, деди Имомали Раҳмон.
Икки мамлакат раҳбарларининг сиёсий иродаси ва саъй-ҳаракатлари туфайли давлатлараро муносабатлар мустаҳкамланди. Шавкат Мирзиёев ва Имомали Раҳмон халқаро форумлар доирасида учрашиб, телефон орқали тез-тез мулоқот қилиб, мамлакатларимиз ўртасидаги алоқаларни изчил ривожлантириб келмоқда.
Музокараларда сиёсий, савдо-иқтисодий, инвестициявий, транспорт-коммуникация, энергетика, қишлоқ ва сув хўжалиги, туризм ва бошқа соҳалардаги ҳамкорликни кенгайтириш, одамлар учун қулайликларни ошириш масалалари муҳокама этилди. Бу борадаги қўшимча имкониятларни ишга солишга, ҳудудлар, йирик корхоналар ва тадбиркорлар ўртасидаги алоқаларни мустаҳкамлашга, маданий-гуманитар алмашинувларни фаоллаштиришга келишиб олинди.
Давлат раҳбарлари халқаро ва минтақавий сиёсатнинг долзарб масалалари юзасидан ҳам фикр алмашди.
