Алмазбек Атамбоев Тошкент халқаро аэропортида кутиб олинди.
Ўзбекистон Республикаси Президенти Шавкат Мирзиёевнинг таклифига биноан Қирғизистон Республикаси Президенти Алмазбек Атамбоев 5 октябрь куни давлат ташрифи билан Тошкентга етиб келди.
ЎзА хабарига кўра, Ислом Каримов номидаги Тошкент халқаро аэропортида Қирғизистон президенти Алмазбек Атамбоев ва унинг рафиқасини Ўзбекистон Республикаси Президенти Шавкат Мирзиёев рафиқаси билан кутиб олган.
Хабарда Ўзбекистон Президентининг 5–6 сентябрь кунлари Қирғизистонга давлат ташрифи чоғида бўлиб ўтган олий даражадаги мулоқотнинг давоми сифатида икки давлат раҳбарлари ўзаро манфаатли ҳамкорлик алоқаларини янада ривожлантириш истиқболларини муҳокама қиладилар, минтақавий ва халқаро сиёсатнинг долзарб масалалари бўйича фикр алмашишлари айтиб ўтилган.
Ўзбекистон Республикаси ва Қирғизистон Республикаси ўртасида Қўшма декларация қабул қилиниши, шунингдек, турли соҳаларда ўзаро алоқаларни мустаҳкамлашга қаратилган қатор ҳужжатлар имзоланиши кутилаётгани таъкидланган.
Икки мамлакат президентлари Тошкент шаҳрида ташкил этилган Ўзбекистон ва Қирғизистон саноат маҳсулотлари кўргазмасига ташриф буюриши режалаштирилгани маълум қилинган.
ЎзА хабарига кўра, Ислом Каримов номидаги Тошкент халқаро аэропортида Қирғизистон президенти Алмазбек Атамбоев ва унинг рафиқасини Ўзбекистон Республикаси Президенти Шавкат Мирзиёев рафиқаси билан кутиб олган.
Хабарда Ўзбекистон Президентининг 5–6 сентябрь кунлари Қирғизистонга давлат ташрифи чоғида бўлиб ўтган олий даражадаги мулоқотнинг давоми сифатида икки давлат раҳбарлари ўзаро манфаатли ҳамкорлик алоқаларини янада ривожлантириш истиқболларини муҳокама қиладилар, минтақавий ва халқаро сиёсатнинг долзарб масалалари бўйича фикр алмашишлари айтиб ўтилган.
Ўзбекистон Республикаси ва Қирғизистон Республикаси ўртасида Қўшма декларация қабул қилиниши, шунингдек, турли соҳаларда ўзаро алоқаларни мустаҳкамлашга қаратилган қатор ҳужжатлар имзоланиши кутилаётгани таъкидланган.
Икки мамлакат президентлари Тошкент шаҳрида ташкил этилган Ўзбекистон ва Қирғизистон саноат маҳсулотлари кўргазмасига ташриф буюриши режалаштирилгани маълум қилинган.
Зоҳиршоҳ Жўраев
